E dua
për bukën dhe kripën
për emrin që më dha
po, po, e dua pra

kam mall
për këngën e bilbilit
aromën e dheut
e lulen e prillit

për hijeshinë e verës së thatë
vjeshtën plotë shi
e dimrin e gjatë

për plisin në ballë të oxhakut
malësorin këmbëkryq
e fjalën e mençur të plakut

për bukurinë e gruas
dhe besën e burrit

oh, e dua
për shqiponjën e gurit
për gjakun e heronjëve
e ngjyrën e flamurit
e dua…
Angjelina Marku

The post Dashuri dhe mall – Angjelina Marku appeared first on Sofra e Poezise Shqiptare.

Toka ime e etur për liri
nuk u shkriva që sytë të pikojnë dhembje
populli të vajtojë e rinia ime
të dergjet rrugëve të botës

Jo, nuk u flijova që ju të përfundoni
betimin e atyre që me gjoks ua preva rrugën

Ju turpi i Dardanisë
mos ejani në shtëpinë time
mos më thoni se e kryet amanetin që u
lashë
se jam zemëruar më idhët se plumbi,
ju që gjakun ma bëtë zi e varrin kuq

Llavë mjerimi vërshuar kolltuqeve
si nuk ju tret asnjë mallkim i kësaj bote.

Poezi nga libri im me titull “Kohë për veten”, i cili u botua në korrik 2020.
Angjelina Marku

The post Ai flet – Angjelina Marku appeared first on Sofra e Poezise Shqiptare.

Për qejfin tim hesht, bërtas,
vrapoj, rrëzohem
ngrihem e prapë bie,
bëhem mbretëreshë e lypsare,
poete e valltare,
e bukur, e shëmtuar,
mendjelehtë, mendjemadhe,
me naze e pa naze,
ëndërroj, dashuroj,
bëj si dua vetë

Bëj luftë për të rrëmbyer paqen,
bej paqe për të fituar lirinë,
bëj gjithçka sepse e dua jetën time
më shumë së ëndrrën tëndë.

(Angjelina Marku)

The post Për qejfin tim – Angjelina Marku appeared first on Sofra e Poezise Shqiptare.

Pa ku ta gjej
një që pa kushte fal dashuri
që të pushon dhimbjet e zemrës
e ballit t’i heq mërzinë?

Një që ta do të mirën
që i ke besën e ta çmon nderin
dhe një trim
që të ligut përgjithmonë
i mbyll derën?

E ku ta gjej
një që e do edhe jetën e tjetrit
një që mikut i thotë vetëm të vërtetën
një që jetimin e të varfërin
kurrë s’do ta linte jashtë
e një që duron
deri kur thika i shkon në asht?
Angjelina Marku

The post Ku ta gjej? – Angjelina Marku appeared first on Sofra e Poezise Shqiptare.

Pa ku ta gjej
një që pa kushte fal dashuri
që të pushon dhimbjet e zemrës
e ballit t’i heq mërzinë?

Një që ta do të mirën
që i ke besën e ta çmon nderin
dhe një trim
që të ligut përgjithmonë
i mbyll derën?

E ku ta gjej
një që e do edhe jetën e tjetrit
një që mikut i thotë vetëm të vërtetën
një që jetimin e të varfërin
kurrë s’do ta linte jashtë
e një që duron
deri kur thika i shkon në asht?
Angjelina Marku

The post Ku ta gjej ? – Angjelina Marku appeared first on Sofra e Poezise Shqiptare.

Pa gjeje sonte
pak kohë për mua
gjeje një këngë
një poezi
vjedh një grusht ajër
një fije diell
a një grumbull natë

Se çka, s’ka rëndësi.

Kërkoje një shkëmb,
një lëndinë
një truall.

Huazoje një dhomë,
një trëndafil
apo pak melodi.

Bëj diçka, se çka nuk ka rendësi.

Hej ti, gjej, kërko,
vjedh e huazo
bëj çka të duash
por eja këtë natë
se n’trupin tim
janë ndezur
me miliarda molekula dashurie.

Nga Angjelina Marku

The post Sonte – Angjelina Marku appeared first on Sofra e Poezise Shqiptare.

MES NESH

Loti ende përvëlo
syte e mi
e shpresa ngrohë
zemrën e tij
gjithçka që ndodhi
mes nesh
fajtor nuk ishim as unë as ti.

Dikush i trazoi
shpirtrat tanë
e vjeshta na dhuroi
vetëtimë e shi
ne ëndrrimtarët
e ditëve që s’erdhën
nuk i thamë kurrë
njëri-tjetrit lamtumirë,
e as mirë u pafshim përsëri

Angjelina Marku

The post Mes nesh – Angjelina Marku appeared first on Sofra e Poezise Shqiptare.