U linda në vendin e drenushave
Në ato male e bregore
Aty ku lulet buzëqeshin fushave
Ku japin aromë arbnore.

Aty ku qielli kaltër të jep shpresë
Ku dielli të ngrohë e shëndrin
Ku nëna lind një femijë
Dhe rritë një burrë për lirinë.

Aty ku drenushat hedhin valle
Ku shpirti të pushon në melodi
Ku ujqërit veç hungëllijnë dhe ikin
Me drenushat nuk zënë miqësi.

Driton Smakaj

The post Drenicë Arbnore – Driton Smakaj appeared first on Sofra e Poezise Shqiptare.

Driton Smakaj

#UÇK #Liri #Kosova

The post Dy pika gjaku ranë nga plaga e tij – Driton Smakaj appeared first on Sofra e Poezise Shqiptare.

U rrita ashtu siç më deshti fati e jeta
Kam ecur i pa lodhur, nuk jam ankuar
Më pëlqen çdoherë vetëm e vërteta
Edhe kur është e keqe për tu trishtuar.

Edhe jam rrëzuar edhe lënduar
Por vetëm buzëqeshjen e kërkoja
Ngritësha pa ndihmë, duke mësuar
Të bukurën çdoherë e ëndërroja.

Në lule të rinisë sime, digjej atdheu
Trupin tim e dhurova si një mburojë
Në mendje më rrinte Skënderbeu
Kur atdheu në luftë, fjalët pushojnë.

Lufta mori fund e shëndriti liria
U bëra mik i librave në përjetësi
Mes ëndërrave rinore lindi dashuria
Paqja e vërtetë, njeriun e bën njeri.

Çdo ditë çdo natë diçka të re mësoj
Ndalem e mendoj sa kam ndryshuar
Që ta njoh botën më tutje vazhdoj
Me mirësinë e jetës thellë i dashuruar.

Kur gaboj pendohem e falje kërkoj
E flakë tutje krenarinë burrërore
Aty ku është e drejta stoik qëndroj
Mbetem thjeshtë në parime njerëzore.

Jeta më solli pak ca rrugë të gjata
Mijëra kilometra kudo nëpër botë
Mendjen tek vendlindja gjithë e pata
Edhe kur e pija ujin nga një gotë.

Mik i pandashëm i virtytit dhe nderit
Në shoqëri me besën dhe bujarinë
Përtej urrejtjes, mërisë dhe ferrit
Ngrohem me paqen dhe dashurinë.

Driton Smakaj

The post Nga vitet në Vite – Driton Smakaj appeared first on Sofra e Poezise Shqiptare.

Një fjali të re po e shtoj
Tek një kapitull i vjetër
Me shkronja Kala ndërtoj
Ushtarë Perandorie në letër.

Mos u fsheh të lutëm shumë
Mbas atyre pikave çuditëse
Si të të gjej e di mirë unë
Në dëftoren pëshpëritëse.

Mos më dil ti në kryefjalë
Se kallxuesi punon për mua
Nuk fshihesh dot në një fjalë
Pikëpyetjen ta kam shënjua.

Nuk mbahesh jo në dy pika
As në atë presjen bishtgjatë
Mes atyre kllapave ty të prita
Të mbylla aty për ditë e natë.

Prill 2016

D. Smakaj

The post Mendoj e shkruaj – Driton Smakaj appeared first on Sofra e Poezise Shqiptare.

Driton Smakaj

Nexhmije Pagarushës

Zëri saj si bilbil tingëllone në melodi
Në radion e dhomës sime të heshtur
Sa shumë më bënte të ndjej dashuri
Maleve e fushave të ecja pa reshtur.

Doja vërtetë ta gjeja atje Bareshën
E të vallëzoja me erën atyre lëndinave
Nën tingujt e këngës gjeja buzëqeshjen
E ëndërrat e bukura mes trendëlinave.

Edhe kur fushave qengji blegëronte
Kënga e bukur bluante në kokën time
Erën çanim dysh me kalin që vraponte
Me zogjët e malit ndanim plot gëzime.

—————————-
Pusho në paqe në Parajsën e Perëndisë o Perëndeshë e këngës.
Faleminderit për gjurmët që ke lënë mes nesh e që do vazhdojnë ndër breza.

Driton Smakaj

The post Nexhmije Pagarushës appeared first on Sofra e Poezise Shqiptare.