Gonxhe Letmi Begisholli Archives - Sofra e Poezise Shqiptare

Stinët e vitit (poezi për fëmijë) – Gonxhe Letmi Begisholli

Dërguar nga: Xheva Salihaj — Wed, 06 May 2020 19:42:24 +0000

STINËT E VITIT
(poezi për fëmijë)

Katër stinë ka viti
ngjyra sa ylberi
cila në zemër skaliti
atë këngë harabeli.

E para është Pranvera
me lule shumë
zogjtë si përhera
na këndojnë në gjumë.

E dyta është Vera
me të lashta e vapë
pasdite fryn era
pushime ditëgjatë

Më pas vjen Vjeshta
me pemë e begatira
vjeljet e ngreshta
mbusgen me të mira.

E fundit stinë Dimri
me acar e bardhësi
fëmijët i mund gëzimi
kush del i pari me ski.

Cila stinë më e mira
fruta,hare e lojë
aty ku gëzon fëmija
“Të katrat” me një gojë.

Gonxhe Letmi Begisholli

Dërguar nga: Xheva Salihaj — Wed, 01 Apr 2020 06:43:39 +0000

TË MOSHUARIT

Për një kohë
qeshin e qajnë…

jetën e shohin
sot për nesër

mes kujtimeve me ngjyra
mes të dikurshmes dhe të sotmes
me (pa) shpresë jetojnë

të pasur apo të varfër
të vetëm apo me shoqëri
vitet u peshojnë rëndë

kur ankthi i mbërthen
dyshimi i bren
edhe sa mbrëmje i errin
e sa mëngjese i çelin?!

g.l.b

Gonxhe Letmi Begisholli
Nga libri me poezi”Shprushje kujtimesh”

Dërguar nga: Xheva Salihaj — Tue, 31 Mar 2020 17:15:13 +0000

ÇAMERI, TOKE E BEKUAR

Në muajin e mjaltit siç i thonë
tesha Prevezë,Lefkadë,gaz e lot
rizgjohen kujtimet përrallore
tokë e bekuar-Camëria,gjëmon!

Unë arvanitase,lind jam n´Camëri
të preka plagën,me mallin e zjarrtë
flokun ngjyrë gështenjë,arom´Arbëri
folëm,qamë e qeshëm,deri në mesnatë!

Bukurinë e zgjimit urova me lot n´sy
tabllot e vuajtjes shpalos historia
për tokën tonë,digjem mbyllë në dry
fjalën shqipe,përkëdhel sot breznia!

Camëri,…o Tokë e bekuar
fis as gjen s´ska për të harruar!

Admin — Wed, 04 Mar 2020 21:19:02 +0000