Shqipërinë e pata njohur
së pari në librat ilegalë
dhe në burgun
e mësuesve të mi në gjimnaz.

Shqipëria s’ishte
as ajo në librat e historisë,
as ajo në hartat e gjeografisë.

Shqipëria nuk është as kjo
që mësohet sot në shkollë.

Asnjë hartë nuk e mban
Shqipërinë që njoha
në librat ilegalë në gjimnaz.

The post Shqipëria – Hajdin Morina appeared first on Sofra e Poezise Shqiptare.

Hajdin Morina

ZJARRI I JASHARËVE

(Me rastin e fillimit të manifestimit për Epopenë e UÇK-së. Sipas programit zyrtar sot në shkolla ora e parë mësimore i kushtohet kësaj ngjarjeje të rëndësishme kombëtare e historike).

Në fillim të marsit 1998
Kosovës pak qiell
I kishte mbetur mbi kokë
Nuk jetohej aq ngushtë
Pa dritë pa blerim

Dhe Ademi me Jasharë bënë zjarr
Tokë e shpirt mbushën me zjarr
Të zhbëhej zhbërja jonë

Dhe Kosova bëri qiell për diell

Në fillim të marsit 1998
Qielli digjte saç
Qielli deshi t’i binte
Kosovës përmbi kokë

Por sakaq
Qielli që digjte saç mbi Prekaz
Si një shqiponjë fluturoi lart

Pas mijëra vjetësh
Një Promete tjetër
Për liri bënte zjarr
Adem Jashari
Në Prekaz ndër Jasharë

(Nga vëllimi im poetik “Prushi i fjalës”, 2011)

The post Zjarri i Jasharëve – Hajdin Morina appeared first on Sofra e Poezise Shqiptare.