Dielli u mbulua
nga fletët e thashethemeve.
Ti ike
për të mos u kthyer më
kurrë.
……

Një rreze me erdhi
drejt e më gëzoi,
e në zemër më çeli
frymëzim.

Pastaj rrezja iku,
pas një reje qëndroi
e rrugën ma shtroi
trishtim.

Rrezja nga reja
prapë mund të dalë,
po atë frymëzim në zemër
a mund të ma ringjallë?…

The post Dritëhije – Idajet Jahaj appeared first on Sofra e Poezise Shqiptare.

“Vashëz me shami mënjanë,
Me ngadalë se dogje fshanë”…

I ziu njeri
për kë të këndojë?

Për bukurinë e Helenës
që dogji një Trojë?

Apo për Mona Lizën
që shekujt verboi?

Apo për ty,
që dogje fshatin, moj ?…

I ziu njeri !

Dhe të gjithë u bëmë
Homerë të pa-gojë…!

The post Për kë të këndojë ? – Idajet Jahaj appeared first on Sofra e Poezise Shqiptare.