Maria Kuci (Dudi Hizmo) Archives - Sofra e Poezise Shqiptare

Buzet si trendafili – Maria Kuci (Dudi Hizmo)

Admin — Sat, 11 Sep 2021 20:10:59 +0000

Buzet si trendafili

Zbrite malit si sorkadhe
Shtati i larte si Selvi
Se c’ma more mendjen fare
Si tja bej moj nuk e di

Floket leshuar mbi supe
Shkelqim i ngjyer me hene
Bel keputur pse ben tutje
Cmende djalerine e tere

Ecja jote gjithe naze
Me thuaj cfar te kam bere
Nuk mi hodhe syte fare
Rrezove yjet e tere

I bere gjerdan per gushen
Te shtoje nje mrekulli
Zbrite te mbuloje fushen
Me drite ari e hijeshi

Celen lulet ne lendine
Aromen ja more ti
Mbush me ere trendeline
Shpirt i paster pa stoli

Prane desha te afrohem
Te marr arome e freski
Por kam frike mos rrezohem
Si tja bej moj nuk e di

Erdha embel prane teje
Me afrohesh lozonjare
Me vloi gjaku ne deje
Mendja fluturoi mbi male

Do rrembej puthjen e pare
Nga buzet si trendafili
Do te mbaj perjete ne zemer
Ty moj manushaqe prilli
9 shtator 2015

Maria Hizma Kuci

The post Buzet si trendafili – Maria Kuci (Dudi Hizmo) appeared first on Sofra e Poezise Shqiptare.

Ka edhe ditë të errëta Bir – Maria Kuci (Dudi Hizmo)

Admin — Sun, 05 Sep 2021 13:38:13 +0000

Ka edhe ditë të errëta Bir

Kur tokën nën këmbët e tua ta kthejnë rërë
E degët e gjelbra nga flakë djalli shkrumbuar
Ka edhe dite të tilla Bir
Vec mos harro
Se ti je njeri !
ne dite si keto provohen
themelet e vyrtyteve të tua
E ato nuk jane prej rërë,
Durimi yt
Ai nuk eshte gjethe vjeshtë
Forca jote
Ajo nuk eshte ere
Zemra jote
Ajo nuk eshte shkretetire
Shpirt yt
Qe gjithesise i duhet të shpalosi kufijte per ta nzene

Dije fort mire Bir
Djalli punon me gjuhe flakesh
Qe bota para tij të mpaket, të vyshket
Të ligshtet
E di Bir
Të ecesh ne keto kohe eshte e veshtire
Vec gjurmet e tua nuk jane ne toke por ne hapesire. Sepse shqiponjat njohin vetem lartesit
Ndaj fluturo Bir
Se sorrat rrezohen vete

Maria Hizma Kuci

The post Ka edhe ditë të errëta Bir – Maria Kuci (Dudi Hizmo) appeared first on Sofra e Poezise Shqiptare.

Bisqet… – Maria Kuci (Dudi Hizmo)

Admin — Sat, 24 Apr 2021 12:06:07 +0000

BISQET…
Ju njoha kur ende nuk njihja veten
dhe vetja ime u bëtë për mua
tek ju gjeta gjithë mbështetjen
në gjithçka desha e çfarë dua
@
Tek ju ëndrrëat e mia treten
aty gjeja streh kur zemëruar
herë fantazi e here realitetin
mes fletëve tuaja e kam kërkuar
@
Kërkova dijen të rrisja veten
me boten veten per t’krahasuar
fort ju doja e s’shuaja dot etjen
se etja per dije s’ka te mbaruar
@
Ju dua dhe sot …e ndoshta nesër
edhe më fort them do tju dua
pa ju filiz i tharë mbetem
bisqet rriten veç në fletët e tua….
23 prill 2016
(sot eshte dita e librit )

The post Bisqet… – Maria Kuci (Dudi Hizmo) appeared first on Sofra e Poezise Shqiptare.

Gjithë dashuritë – Maria Kuci (Dudi Hizmo)

Admin — Thu, 01 Apr 2021 17:14:20 +0000

Gjithë dashuritë

Ikën ditët …java mbaroi
E ti je nisur kthimit në shtëpi
I shtriva krahët të t’përqafoj
Të pret nëna në të ngrohtin gji

I shtriva krahët si rreze dielli
Gjoksin e ngrohtë përherë për Ty
Shpirti veshur me ngjyra ylberi
Në të malli tretur…si një qiri

Të pres të vish si dallandyshe
Pranverës kthyer në të sajën shpi
Cicërima jote e ëmbël…ndryshe…
Më zgjon nga ëndërra….si me magji.

Më mbush ti shpirtin me zjarr rinie
Zemrën e nënës rinon përditë
Gjoksit më hidhesh… pafajësi fëmije
Ky prehër mban mbrenda gjithë dashuritë

The post Gjithë dashuritë – Maria Kuci (Dudi Hizmo) appeared first on Sofra e Poezise Shqiptare.

Misteret – Maria Kuci (Dudi Hizmo)

Admin — Wed, 17 Mar 2021 19:26:08 +0000

MISTERET
@
Ne don ti dish misteret e timit shpirt
nga vjen burimi i ujit te paster kristal
ne flete e nder …ne diell e nuk kam frike
jam grua jam nene jam femer qe dashuri fal
@
Ne don te dish eterin e timit shpirt
kandit …pergamene veç zotit tja dhuroj
dhe engjejt shkrihen ne te ..me japin drite
kjo sdo thote se shpirti sduhet te dashuroje….
@
Ne don te dish misteret e nje bote te tere
jane aq shume…oh sa shume ka kjo jete
veç ne çdo femer folene nje hyjni e ka bere
Ne te rritet nje engjell …e perjetesise i flet
Maria Hizma Kuci

The post Misteret – Maria Kuci (Dudi Hizmo) appeared first on Sofra e Poezise Shqiptare.

Gëzuar festën e shtrenjta ime! – Maria Kuci (Dudi Hizmo)

Admin — Wed, 10 Mar 2021 18:20:46 +0000

Gëzuar festën e shtrenjta ime!
Kënaqu sot me një lule mimose
me një urim!
Festoje këtë ditë!
Vish fustanin e bukur e dashura ime!
dhe mendo se
një ditë shlyen mundin e një viti të tërë
Një trëndafil të shpërblen zgjimin që pa gdhirë
netët pa gjumë,
ditët e lodhshme ,
çastet e mërzitshme
momentet e dhimbshme
kohën e mohimit të brishtësisë ,dashurisë e dinjitetit tënd .

Vuri në vazo me ujë lulet që merr sot
dhe të fresketa do ngelen nga ujitja e përditshme
Me lëng sysh
nga respekti i munguar,
nga pabarazia e pageses,
nga detyrimet e “zakonit”
nga egoizmi mashkullor

Sot ti feston!
Se ditët e tjera janë festa e burrave
Maria Hizma Kuci

The post Gëzuar festën e shtrenjta ime! – Maria Kuci (Dudi Hizmo) appeared first on Sofra e Poezise Shqiptare.

Të fshehtat e zemrave – Maria Kuci (Dudi Hizmo)

Admin — Sat, 06 Mar 2021 12:13:41 +0000

Të fshehtat e zemrave

Adhurojmë perëndimin ti japim jetë ëndërrave
Me to nisim ëmbël e lehtë një fluturim
Drejt qiellit ku prehen të fshehtat e zemrave
Ylli polar na shoqëron nga mbrëmja në agim

Përshkojme si zgalem qiej lumturie pareshtur
Herë japim zë shpatës e herë mantelit zbukurim
Shkruajmë diarin e shpirtit plot ndjenjë të veshur
E lutja shtrihet në horizonte si bekim

The post Të fshehtat e zemrave – Maria Kuci (Dudi Hizmo) appeared first on Sofra e Poezise Shqiptare.

Gjysma ime – Maria Kuci (Dudi Hizmo)

Admin — Thu, 04 Mar 2021 21:43:27 +0000

Gjysma ime
…
Gjysma ime kishte ca ëndërra
disa u shkrinë në gjysmën tënde.
Pjesa tjetër
shkriu si bora e prillit
vendi i tyre mbeti bosh.
Pak shpirt më i zbrazët ngela dhe unë!
Në gjysmën time kishte disa dëshira
disa prej tyre në gjysmën tjetër gjetën veten.
e u rritën e u rritën .
Pjesa tjetër u rrëzua si gjethe vjeshte
e liqenet u mbushën nga shirat
E shpirti ngadalë ngurtësohesh
e bëhesh më i fortë
Në gjysmën time kishte mirësi!
Një pjesë e saj shkriu te pjesa jote
Aty gjeti tokë të butë
e u rrit, e u rrit
Ndërsa brenda meje nuk la pjesë bosh
Brenda meje kishte plagë
balsamin kishte gjysma jote
tani dy gjysmat ngatërrohen
e nuk di nga njëra tjetra ti dalloj
NNë gjysmën time kishte paqe
Një pjesë e humbi rrugës
duke përmbushur egoizmin tënd prej burri
në vend të saj u rrit konflikti
ushqehet e shëndoshet përditë
që
pas tij paqja të bëjë më shumë dritë!
Maria Hizma Kuci
9 gusht 2017

The post Gjysma ime – Maria Kuci (Dudi Hizmo) appeared first on Sofra e Poezise Shqiptare.

Lule shqiperie – Maria Kuci (Dudi Hizmo)

Admin — Thu, 11 Feb 2021 08:09:07 +0000

Lule shqiperie

Mbi supe dyfekun hedhur
shpirtin mbush me dashuri
në zemër dëshirën ndezur
kthimin me lirinë në gji
@
Ju përcolla me urimin
të ktheheni me lirinë
puthjen jua dhash ne ballë
luftoni pë Shqiperinë
@
Më nderuat në beteja
flamurin mbajtet në gji
e latë me gjakun tuaj
për atë u bëtë fli
@
E zezë ditë pse erdhi
kush thërret me zë të dridhur
kush me perqafoi fort
dhe më jep lajmin e hidhur
@
Mbahu nënë beju trime
ti je nënë heroinë
të dy djemtë e tu si yje
e dhanë jetën për lirinë
@
Këmbëzbathur mora malin
varrin trimave ti gjej
prane tyre dua te shtrihem
zemrën pranë tyre ta le
@
Me duar gërmova dheun
lotët me shkuan si lumë
në ballë jua gjeta plumbin
ju putha por flinit gjumë
@
Flini përjet bijtë e nënës
flini në altar lirie
gjaku juaj është flamur
eshte lule Shqiperie

The post Lule shqiperie – Maria Kuci (Dudi Hizmo) appeared first on Sofra e Poezise Shqiptare.

Shtatë qiejt e tu – Maria Kuci (Dudi Hizmo)

Admin — Sat, 06 Feb 2021 21:44:52 +0000

@
Shtatë qiejt e tu
Që nga larg ta ndjej aromën prej burri
Që drejt meje vjen si puhize e lehtë
Më jep flatra shpirtit ëndrrës i ndrit nuri
Ngrihet fluturimthi të përshkojë qiejt
@
Kur hedh hapin lehtë sa s’më ikën truri
Të shoh plot adhurim pse se kuptoj as vetë
Në hapat e tu ka vendosmëri burri
Më bën të ndjehem flutur mbi supet plot jetë
@
Në duart e tua sa magji Zoti vuri?
Të më përkëdhelësh si askush në jetë
Mollëzat i lag vesa e ti thua të shndrit nuri
Më mbulon me lumturi si të jem fëmijë vërtetë
@
Shtegun për në zemër ka gjet e jotja fjalë
Mes saj ti rri ulur si një burrë zotni
Se e di që shtatë qiejt me dorë i kam kapë
Sa herë të shikoj drejt e në sy
@
Aty gjej sy dete në ballin tënd fshehur
Vetja ime është shëmbëllim i një zane
Më mbyt ndjenja jote ..në të jam e dehur
Them se kam dhuratë thesaret e kësaj bote
@
O dete të zhytur mbi ballin e lartë
Me ngjisni cdo cast në qiellin e shtatë
Maria Hizma Kuci

The post Shtatë qiejt e tu – Maria Kuci (Dudi Hizmo) appeared first on Sofra e Poezise Shqiptare.