Sot isha në Labëri, në një të madhe shtëpi
Çeloleskaj, përmbi portë, lulërimin lart e poshtë…
Ja, dy zonjëza tek porta …as e bija , as e motra
Por të lashtëzat kunata, kraharorin bër’ kanata…
Qeshi zemra, qeshi syri, nga gazi sa s’plasi guri
Urdhëroni – urdhëroni, me fllad “ Çike “ plot ballkoni…
Mikpritja e kësaj dere, shëmbëllim si lule vere
Që, sa zuri fill dynjaja, sot tek Lilua dhe Havaja…
Nuk doja të bilbiloja , por më ndezi Labëria
Perl’e bukur , virgjëri, mbytur dhe nga bujaria!…

N . L . ( F ) 18 . 06 . 2021

The post Më ndezi – Natasha Limaj appeared first on Sofra e Poezise Shqiptare.

Do t’këndoj për “ veten time “, aty janë gjithë gratë
Nanurimën shtruar – shtruar, avash – avash zërin lartë…
Do t’këndoj për “ veten time “, me oiii… dhe klarineta
Tekstin ngjizur thellë nga zemra, tek një si unë buis jeta…
Do t’këndoj për “ veten time “ dhe atë që bluan hekur
Thikpelinet jetësore, si kripa në ujë tretur…
Do t’këndoj për “ veten time “ , vaje , ligje më të rëndë
Mbytur buzën me të qeshur, dhimbjen vdekur nëpër dhëmbë…
Do t’këndoj për “ veten time “ edhe syrin e përlotur
Kapërditjen lëmshe – lëmshe, mallpërvëlimin pasosur…
Do t’ia marr për “ veten time” , lodhur – lodhur , pa përtuar
Njësojë si motrat e mia , jep e jep e pa kërkuar…

N . L . ( F )

The post Buis jeta – Natasha Limaj appeared first on Sofra e Poezise Shqiptare.

Sirenë deti , kjo stërmbesa
Në syt’e saj ndrin gjeneza…
Ç’ka, se rritur Italisë
Rrënj’e gjak , prej Arbërisë…
Në qytezën , përmbi Vlorë
Kanin’me kala kurorë…
Në fund të botës stërmbesë
E di, do t’shtrydhësh gjenezë…
Do t’gjëmosh me brohorimë
Heeeejjj…. kam lindur në Kaninëëëë!…

n.l.f. 25 . 02 . 2021

The post Stërmbesa – Natasha Limaj appeared first on Sofra e Poezise Shqiptare.

Arlinda – Kreshnik, me jetë të gjatë princeshë Amla !…

The post Rritet familja e re – Natasha Limaj appeared first on Sofra e Poezise Shqiptare.

Jo se ..doja, por ma nxorre,
Frazën e urtë popullore…
“ Tek ka rrjedhur , do t’pikojë “
Ç’të kërcen fjala në gojë…
Shpirtin, kanatë , bisedonim,
Për të drejtën, oh ç’vajtonim…
Shfaq virtyte, dyzinë vlera
Grimcëzë dhe ne , nga dera…
Dehadehur zemra ime,
Me grykë këto, ligjërime…
Bilbil edhe kanarina
S’paska shterim , joooo..Kanina!..

Kështu të frymëzojnë vetëm fisnikët!..

Natasha Fejzaj. 17 . 12 . 2020 .ora 12 oo

The post S’paska shterim – Natasha Fejzaj appeared first on Sofra e Poezise Shqiptare.

Dhe, pse zhgënjyer e vrarë
Për ju , ndjej prap, si më parë…
Dhe me gur , të më qëlloni
T’ju duaaa…, dot s’më ndaloni…
Pësh-pësh-pësh…gjym gjethurinat
Shtyllë bërë fjala në gojë…
Jo-joooo… kurrë , s’mu zvetënuat
Përsëri ju dashurojë…
Se, të duash ësht’hyjnore
Qënien plot gëzim e mbush…
Paqedashurin’e shpirtit
S’ta shpërdoron dot askush!..

N . N . ( F )

The post Askush – Natasha Limaj appeared first on Sofra e Poezise Shqiptare.

Mbushur mendja ,se je “ kokë “
Prisja për bëmat e tua…
Mekur gazit , kur t’i pash,
Të bërat me miell hua!..

N . L . ( F )

The post Hua – Natasha Limaj appeared first on Sofra e Poezise Shqiptare.

Ishe “Zan”,a ishe “Orë “
A e” Bukura e Dheut”…
A ”Circe” mitologjie
E , që kënga të shpërtheu ?!…

O ti… moj vajza e Vlorës,
Nëpër dallgë ninulluar …
Ojna – ojna, ledha-ledha,
Lastarja me sy të shkruar…

Ndonjëherë kapriçoze,
Bër- bër -bër… si turtulleshë…
Eh ,po sa të shkon moj lulkë,
Lindur e rritur princeshë!..

N . L . ( F ) . 05 . 11 . 2015 .

The post E Vlorës – Natasha Limaj appeared first on Sofra e Poezise Shqiptare.

The post Si torta qershinë – Natasha Limaj appeared first on Sofra e Poezise Shqiptare.

Nëse s’jam , mos u trishtoni , se kam ndërruar “ shtëpi “,
Te lëndin’e vargut shkoni , në krahinën – Poezi -…
E mbushur me kryevepra, të lashta nga zanafilla,
Imja… grimc’ nga grimc’e grimcës, kërcet brenda vetëtima…
Në ardhshi, kur të mos jem, mos mendoni ,se kam ikur,
“ Parapasardhës “ me mua , brenda vargut prap kercitur !…

N . L . ( F )

The post Nëse s’jam – Natasha Limaj appeared first on Sofra e Poezise Shqiptare.