Oltjona Selamaj Archives - Sofra e Poezise Shqiptare

“Kur fle një poet”… – Oltjona Selamaj

Admin — Sun, 23 Jan 2022 15:56:29 +0000

“Kur fle një poet”…
Hesht fjala, kur prehet poeti
Por, trumbeton tingulli i saj…
Fjala e poetit, që prehet
Kthehet në këngë paskëtaj…
Kur fle një poet, zgjohen engjëjt…
Rima, muzë e përcjelljes në amshim…
Njerëzia, pikëllohet për të ndjerin…
Dhimbja, ndjesi jashtë zgjedhjes.
Qetësia, mbretëron mes përseve
Kur mosha e re, nuk ka kohën e fluturimit pa kthim…
Habia e shkuarjes shpejt tek ati…
N’ a kujton se koha, shkon me nxitim.
Shkoi sot një mik poet,
që e njoha nga arti i tij ..
Shkoi një shpirt miku i sinqertë…
Që botës i dhuroi poezi …
Paqja, e dashuria e njerëzve
E shoqërofshin në përjetësi…

Autore: Oltjona Selamaj Magnani
Lamtumirë mikut poet, që sot prehet i qetë, të ndjerit Demir Gjergji…

The post “Kur fle një poet”… – Oltjona Selamaj appeared first on Sofra e Poezise Shqiptare.

Ah, sikur… – Oltjona Selamaj

Admin — Tue, 09 Mar 2021 20:14:01 +0000

Gëzuar festën e gruas, ditën ndërkombëtare të saj, 8 MARSIN.
Recituar nga unë, për ju miket e mia të mrekullueshme
Ah, sikur…
Sikur të kisha shkopin magjik
të Zanës së Hirushes,
të shembja kullën e Pizës, bërë prej shkëmbinjsh të shtrembër,
E të thepisur, të egos mashkullore, që të çmënd…
Të shpërndaja çdo pjesëz të saj
Në të gjithë galaktikën,
e mira femër…
Duke i shkruar sipër emrin tënd..
Ti femër, që dorëzove dashurinë
në duar barbare…
Në të gjithë cepat e universit,
do të kesh një vend.
Me luledielli, mbjellë çdo gërmë
Do të shkruhej fjala:” Femër”
Edhe shkuar nga habitati i zemrës egoiste pa shpirt,
Gjithkund, gjetkë, të ndiheshe princeshë, në çdo zemër…
Ah, sikur, me madhështinë e ekzistencës sate,
të vishja universin mashkullor…
Kjo botë e mjerë, e humbur mëkatesh, do të njihte paqen e përjetshme.
Asnjë mashkull mbi ty,
nuk do të vinte më dorë…
Do të mbaheshe qiellit ngritur,
si statuja e lirisë
Që konkuron çdo mal…
Do të ishe rrënjosur, në shpirtin e gjithkujt, si rrapi i moçëm shekullor, lavdinë e së cilit,
Asnjë stuhi e fuqishme,
nuk mund t’a ndalë.
Ah, sikur, të isha e padukshme
Të të ktheja lotin e dhimbjes në kristal
Dhimbjes humane, do t’i thosha:”Ndal”…
Bota, do të pasurohej prej lotëve të tu të bekuar
Në shekuj të shekujve,
lumenj kristalësh pa ditur,
ke krijuar, e vetëmohuar…
Mjaft më, me peshën e kryqit vargmal..
Tani është koha të jesh e vlerësuar…
Femër, vendi yt i vetëm i qëndrimit,
Mban emrin:”Piedestal”…
Autore: Oltjona Selamaj

The post Ah, sikur… – Oltjona Selamaj appeared first on Sofra e Poezise Shqiptare.

Fjala – poezi… – Oltjona Selamaj

Admin — Fri, 03 Apr 2020 14:17:03 +0000

Fjala -poezi…

Shpirti-shpirtit, kur i flet …
I jep krahë, i jep jetë …
Fluturat, nga gjumi zgjon …
Fjalë e zemrës, kur buron
Fjala, bëhet poezi…
Mallin, e ndez flakë në gji
Malli, fluturës i jep jetë…
Jeta, POEZIA vetë.

Autore : Oltjona Selamaj

The post Fjala – poezi… – Oltjona Selamaj appeared first on Sofra e Poezise Shqiptare.