Sa keq
mbete dashuri e puthur në kornizë.

Të thash:
mos prit që të kalojë gjëmimet e rrufesë
kapërce mbi dhimbjet e qendisura
mëso të kërcesh nën shiun e luleve
një vallëzim i etur gëzimit tim.

Të thash:
mëso të vallëzosh nën shiun e imët
desha të dëgjoj këngën e kremtimit të pranverës.

Dhe
për nder të këngës së pranverës
desha t’i shpalos lulet e çelura
gjinjve tu bardhësi të fshehura.
®

The post Bardhësi e fshehur – Remzi Limani appeared first on Sofra e Poezise Shqiptare.

Mos kërkoni dallime mes puthjeve,
ato do t’i gjejmë lehtë në etjet e buzëve.

Le të kërkojmë frymën e shpirtrave që na bashkojnë dhe do të ndihemi plot me vetveten.

Është një rrugë e vështirë deri tek buzët, por fundi i saj prek kërthizën zambake.

Dhe, fluturimet duhet përjetuar, duhet të ngjitemi në shtatë palë qiej, të takohemi me dëshirat dhe dashuritë e fshehura brenda nesh, fshehur durueshëm deri në shpërthim, që fundi i fluturimeve të jetë i lumtur, sepse, në durimin tonë fshehen përmbajtja dhe shkëndijat e fishekzjarreve të shpirtit.

Pra, ne kurrë nuk jemi fillikat vetëm,
jeta gjithmonë na dërgon një qenie tjetër në përqafimin tonë për t’na marrë ngrykas.
Një qenie që na kreh flokun dhe na shpalosë petalet e mbyllura brenda nesh, për të çelur lulet tona që i donë puthjet deri në përjetësi.

®

The post Fluturimet duhet përjetuar – Remzi Limani appeared first on Sofra e Poezise Shqiptare.

Unë,
për të mbijetuarit e errësirës së dashurisë,
hartoj hapësirën rrethuar prej drite,
krejtësisht e bardhë mbuluar me duvak nuseje.
Një hapësirë ku zhvishen bukuritë,
për një frymëmarrje të përbashkët.

Aty do të përkujtohen të mbijetuarit,
pikëllimi, bukuritë dhe shtërzimet e dashurisë për gruan e dalë nga dora.

Ndaj dua të zgjohem pranë teje ta ndiej kohën dhe Valën e lumit.
Nuk e dua heshtjen,
ajo është luks ndërtuar prej kristali.

Dua të zgjohemi viteve të shlyera,
në fuqinë e zjarrit netëve të ndezura,
rreth nesh t’i gjejmë pamjet e humbura.

Remzi Lim@ni

The post Do ta ndiej kohën dhe valën e lumit – Remzi Limani appeared first on Sofra e Poezise Shqiptare.