The post Poetët – Serxho Hizma appeared first on Sofra e Poezise Shqiptare.

Shqipëria ka nevojë
Si dikur në luftë për gjakun
Thërret bijtë që ta ndihmojnë
T’ja ngrejnë nënës konakun
.
Gjithë se kush nga sa të dojë
Pa i ngrënë fëmijve hakun
Moralin nënës tja çojë
Sot që loti ja lag pragun
.
Shqiptarë si fishek gjerdani
Ju bashkon fatkeqësia
Larg urrejtjet mor amani
Që të ngrejë kokë Shqipëria
.
O shqiptarë bëni tërmet
Që bashkë tërmetin ta mposhtim
Se në unitet vërtetë
Ditë më të bardha do shohim
.
Kur të ecni drejtë bashkimit
Të gjithë bashkë si një i vetëm
Do t’i themi njerëzimit
Se ne dimë ta ndërtojmë jetën
.
Juve me zemër të madhe
Që s’jini pre e parasë
Nëpër luftra nëpër halle
Bëhij krah i fukarasë
.
Sa më i vogël është burri
Aq m’e madhe ngjan paraja
Kush është bir i k’tij flamuri
Sot e ngren veten mbi maja
.
Njerëz me zemër floriri
Që vëndit t’i japim vlerë
Sot do duket më i miri
Kush shkrin veten për të tjerë
.
Ju që në shpirt jini njerëz
Që vloni nga mirësia
Të bëjmë bashkim si vëllezër
Se na thërret Shqipëria
.
Jipni në emër të Zotit
Se s’të varfëron e dhëna
Të mos vuajnë prej të ftohtit
Sot që në nevojë është nëna
.
Nëpër dhimbje nëpër halle
Edhe në pragun e vdekjes
Të sëmurët me tumorre
Dhanë për vazhdimin e jetës
.
Po juve që jini mirë
Që shpirtin të lartësoni
Sigurisht që me dëshirë
Diçka sot do të dhuroni
.
Vjen një ditë ikim dhe shkojmë
Do lëmë njerëz dhe Atdhe
Nga kjo tokë do përfitojmë
Përmbi trup dy metra dhe
.
Dheun që do na mbulojë
S’do jetë i joni përherë
Se breza plot vijnë e shkojnë
Ai do mbulojë të tjerë

The post Shqiptarë me zemër floriri – Serxho Hizma appeared first on Sofra e Poezise Shqiptare.