Thuhej fjala, thurej vargu
Thurej heshtur elegjia,
Për ty zë e këngë lahute
E jona është Çamëria.

Kush e luante bukur atin
Kush i rrihte mirë këmbanat,
Cili ishte mbret arbërie
Që dikur dëboi zezonat.

Mos të mbyllej derë shtëpie
Mos të zhytej në det barka,
Mos të nxinte re e zezë
Krakërinte pulëbardha.

Flitej shqip e shqip këndohej
Zë i ëmbël në çdo votër,
Osman Taka si kreshnik
Të lirë donte mal e kodër.

Dhe kudo ku ngritej zëri
Në kuvend me ardhacakë,
Shqipja jonë gjak ilirie
Si petale në zambak.

The post E jona është Çamëria – Sheremet Prokshi appeared first on Sofra e Poezise Shqiptare.

DO TË DALIM PAS NJË KOHE

Do të dalim pas një kohe
Do të dalim o fëmijë,
Në oborr e fushë futbolli
Do të lozim përsëri.

Veç të kemi pak durim
Presim zogjët të na ftojnë,
kanarinat këngëtare
Me ne s’bashku të këndojnë.

E t’shetisim si përpara
Në lëndina gjelbëroshe,
Dhe diku do të takojmë
Lepuroshen bukuroshe.
13.04.2020

The post Do të dalim pas një kohe – Sheremet Prokshi appeared first on Sofra e Poezise Shqiptare.