A harrohet hëna mbi Shtedim,
a janë skuqur qershitë
po gruri në arat e bacës Gim,
borzilok a mbajnë erë shtëpitë?

A ik i buzëqeshur Lumëbardhi
kur vrapojnë fëmijët me nxitim
të parku i vogël, se doli Bardhi
tu hedhë pëllumbave ushqim!

A luajnë dallëndyshe sipër Drini
me fyt çupash a qeshë qyteti,
rrugëve a ndihet erëmirë blini
kur pleqtë i kujtojnë rininë veti?

Mi ruaj zonjë të gjitha në varg
ani se do të jetë i gjatë sa jeta,
lumturinë kush kërkon larg
për të kthehet gjurmëve të veta.

The post Letër zonjës Pejë – Skender Hysenaj appeared first on Sofra e Poezise Shqiptare.