Më thupron mendimi,
se në erën e fundit,
boshti i tokës u spostua….

Meridianët dhe paralelet,
u shtypën,
si një gardh,
kur e shkel një makine,
dalë prej rruge…

Besimi në zot,
nuk vlen më…

Atëherë,
puth vetëveten
dhe ekulibrin,
ve pa zë…

Varja…!!!
Sot është ditë tjetër.
Unë jam njësoj.
I njëllojtë,
si dje….

The post Njësoj, i njëllojtë… – Tonin Nikolli appeared first on Sofra e Poezise Shqiptare.

Çuditërisht, nuk shihemi shpesh.
Çuditërisht,dëgjohemi rrallë.
Çuditërisht, midis nesh,
Ndodh diçka. Ç’të jetë vallë…?

Çuditërisht, më ndjek si hije.
Çuditërisht, fshehtas t’vij pas.
Çuditërisht, fjalë dashurie,
Ngado shkruajmë, rast pa rast…

Çuditërisht, kurrë s’jemi parë.
Çuditërisht, s’do shihemi kurrë.
Çuditërisht, si dy të marrë,
I hedhim zjarrit të njëjtët drurë…

2015

The post Çuditërisht – Tonin Nikolli appeared first on Sofra e Poezise Shqiptare.