Nata ia theu poçin dritës
me gjumē ëndrrash
Dashurive

Dita
gris çarçafët re
e vulos nē qiej
Poetët
shpirtrat qē nuk flenē

I mbyll sytē natēs
zë e puth
me rreze dielli
nē buzēn e tyre
ēndrrēn e paprekur

V.Kolaveri

The post Poetët – Valbona Kolaveri appeared first on Sofra e Poezise Shqiptare.

Zogj ndjenjash më këndojnë hareshëm
Më qukasin shpirtin e pabindun
Diej puthjesh më rrezëllijnë n’verbim
E presin magjinë qiellore
Që të ndodhë aty në mu
Të zbresë nga yjësitë e prekjeve
T’më pushtojnë
E t’më vrasin
Le t’më varrosin pa dyshimin ma të vogël
N’shikime të gjymtueme
Që presin me i dashtë përulësisht
Rrezet përvëluese të dashnisë
Që hera herës thyhen n’male të naltë malli.

V.Kolaveri

The post Zogj ndjenjash – Valbona Kolaveri appeared first on Sofra e Poezise Shqiptare.

Më mungojnë
hera herës kapsat
për të nderë në telat e jetës
teshat e shpirtir

Disa në telat e kujtesës
janë tharë
nga era e fortë e kohës

I heq me ngadalë
ti stivoj në rafte
pa kapakë zemre

Vazhdoj e ndej ato të lagurat qull
nga shirat e netëve
nën vaj
ku kolla e thatë e burrit
mi tremb nga pakë dhe lotët

I pres që të thahen
nën një ditē me diell eshkë vere
ku gjinkallat bërtasin fort

V.Kolaveri

The post Teshat e shpirtit – Valbona Kolaveri appeared first on Sofra e Poezise Shqiptare.