(Rrugës për Gjermani…)

Që kur fillova këtë rrugë të gjatë
Kaluan orë e orë,unë në udhëtim
E di se dikush më pret qê me natë
Dhe pres t’u hudhem në përqafim

Kaluan muaj të tërë pa u takuar
Malli për ju më djeg,më pervlon
Familja ime tashmë e gjysmuar
Jam prindi juaj që nuk ju harron

Kjo rrugë e gjatë më bën kurreshtar
Sa shumë kemi pritur ju në mërgim
E di…shumë malli,si mua ju ka marrëĺ
Po ja po vijë drejt jush me mallëngjim

Sonte gëzimi,lumturia s’do pushojnë
Do çmallemi me llafe e me dashuri…
Akrepat e orës fare s’do i shikojmë
Natën do e kthejmë krejt në bardhësi.

Kjo rrugë e gjatë që çon për Gjermani
Kalon nëpër fusha,male,qytete e shtete
Sado që i lodhur jam,po ndiej pak freski
Një copë dhe vendlindje e kam me vete.

Zymer H.Haliti,

The post Kjo rrugë e gjatë – Zymer H. Haliti appeared first on Sofra e Poezise Shqiptare.

Për ty këndojnë zogjtë e malit
Sa ëmbël ia thonë çdo mëngjes
Për ty çdo ditë lotët prej mallit
Vërshojnë si vrushkuj me vesë

Për ty poetët kanë shkruar poezi
Rapsodët kënduan nëpër oda tona
Sa e madhe je më e shtrenjta Liri
Eh sa shumë vite të kërkoi Kosova

Për ty u bënë luftëra,gjaku rrodhi rrëke
Nëpër shekuj kalëruan trimat shqiptarë
Që nga kryetrimi ynë,i madhi Skenderbe
Me shqiponjën tonë ne ishim krenarë…

Për ty Liri kemi vuajtur brez pas brezi
Dhe kurrë nuk u mposhtëm nga dredhitë
Kjo Europë e poshtër tinëzisht na shkeli
Duke na ndarë pafaj,duke prekur kufinjtë

Ne ishim një vend i lashtë ndër mote
Me kulturë dhe gjuhën tonë ilirishte
Por dikush na coptoi trojet shekullore
Edhe pse kombi ynë më i vjetër ishte.

Zymer H.Haliti,e shkruar më 15 korrik 2020

The post Për ty – Zymer H. Haliti appeared first on Sofra e Poezise Shqiptare.

Do t’i bie detit mes për mes…
që të takoj ty e bukura e detit
s’di, kam dhe një fije shpresë
se do më presësh skaj kepit…

Edhe në më zëntë nata do vazhdoj…
drejt bregut ku zanat thonë pushojnë
vetëm të di se aty je, e ty do te takoj
të rrahurat e zemrës s’do ndalojnë…

Atje ku je ti thonë se është bukur…
dhe unë do të udhëtoj natë e ditë
dhe në qoftëse diku Ti je strukur…
do të gjej një ditë Ty zanë sydritë.

Dhe nëse fryen erë e madhe,stuhi
mund të më pengojnë në udhëtim
s’do të dorëzohem rrugës për tek ti
e di,Ti je Ajo që trazove shpirtin tim.

Zymer H. Haliti

The post Një ditë moj zanë – Zymer H. Haliti appeared first on Sofra e Poezise Shqiptare.

Nga larg vijnë dallgët qetë-qetë
Kaltërsia e tij m’i kënaq sytë e mi
Krenohem,kënaqem për ty o det
Që të kemi në tokën tonë,Shqipëri

Shikoj përreth njerëz të rrezitur kudo
Nga viset e ndryshme,tokat arbërore
Ndihem i lumtur se ēshtë e mirë kjo
Që gjendem i lire në trojet shekullore

Mjaft jetuam të ndarë e në pushtime
Mjaft duroi kjo e shtrenjta nëna ime
Sot krenarë me ju martir e martire…
Që dhuruat jetën për Arbërinë time.

Adriatiku hesht,valët valëzojnë qetë
Ndihem si në shtëpinë time shqiptar
Ndaj për ty sot shkruaj o i madhi det
Kaltërsia jote po mē bën mua krenar.

Zymer H.Haliti,20 korrik 2020,në Durrës

The post Buzë Adriatikut – Zymer H. Haliti appeared first on Sofra e Poezise Shqiptare.

Bora në shpatije ka filluar të shkrihet
e një grup zogjësh kthehen në atdhe
ç’është kjo kohë pakohë s’më rrihet…
kërkoj lartësitë e mëdha qiellin pa re

Është stinë pushimesh e mallëngjim
lotët vërshojnë faqeve të njoma vesë
e larg i treti atdheu të rinjtë n’mërgim
ata jetojnë atje,punojnë me shpresë !

Se një ditë do kthehen këtu në fole
ku lanë prindër grua,fëmijë,familje
o Zot mos ua merr shpresën e vetme
që,ata i mbanë gjallë deri në vdekje .

Atdhe i nemur,i bekuar e i shtrenjtë
sa shumë ëndrruam të jemi të lirë
për çdo shqiptar ti mbetesh i shenjtë
por duam të jesh si një lule e mirë…!

Zymer H.Haliti

The post Zogjët kthehen në fole – Zymer H. Haliti appeared first on Sofra e Poezise Shqiptare.

Je erë bregdetare që të mbështjellë me freski
por,je edhe dallgë deti që të merr me stuhi…

Ti je dielli i mëngjesit kurr rrezet tretin freskinë
Je lule e çelur që aromën e lanson
por,je edhe stuhi që nganjëherë të shkatrron.

Je pranverë e blertë që çdo kush të ka lakmi
por,je edhe dimër i ftohtë që disa nga ti janë ngri.

Je fjalë e ëmbël kur shfaqesh në fillim
por,je edhe e idhtë kur s’gjenë mirëkuptim.

Për ty kanë kënduar e shkruar këngë e poezi
je nje mollë e ndaluar,por përsëri…!
Ti je e shtrenjta,e madhja dashuri.

The post Ti dashuri… – Zymer H. Haliti appeared first on Sofra e Poezise Shqiptare.

Në qiell fluturojnë dallëndyshet
E dielli përcëllon me rrezet e tij
Në kokën time vijnë frymëzimet
Dhe vendosa t’shkruaj një poezi.

TI,je frymëzimi im,që më relakson
Ti,je ajo sybukura që më mahnitë
Dashuria për ty po më barrikadon
Bukuria jote po ngjanë me qershitë.

Sa poezi shkrova i frymëzua nga ti
Ua dhash aromën e luleve trëndafile
e vazhdon të më sfidon kjo dashuri
Për ty që të dua,beso : pa asnjë hile.

Dhe kur në zemër lindë frymëzim i ri
E n’gjoks bredhë fuqishëm dashuria
Ti bëhesh fole e ëmbël e zogjve të mi
Kopsht i praruar i dëshirave të dëlirta.

Zymer H. Haliti

The post Ti, je frymëzimi im – Zymer H. Haliti appeared first on Sofra e Poezise Shqiptare.

Cilën fjalë të gjej
Çka duhet të të rrëfej
të kuptosh se sa ke vlerë
s’te harrova kurre,asnjëherë!

E retë të hirëta enden qiellit
sa kam mallë ngjyrat e ylberit
as shiu se kthen freskinë që dua
e të buzëqesh,sikur kam harrua…!

Një zog i plagosur cicërimën ndali
u ndal të pushojë nën hije një mali
e dielli edhe sot… dogji e përcëlloi
o kënga ime, s’di si të të këndoj….!?

O këngë e mallit,o zog i plagosur
pse ende vuajtjet s’kanë të sosur
a nuk e prita me mall këtë verë
jo,s’dua të zhgënjehem këtë herë.

Zymer H.Haliti

The post O kënga ime e mallit – Zymer H. Haliti appeared first on Sofra e Poezise Shqiptare.

Dua të fle e gjumi është tretur në pafundësi
Dua të lexoj një libër e shkronjat më janë nxi
Kam shkuar larg me mendine në një adresë
Jam ndal para një porte,trokita dikë po pres

Sa shumë larg paskam ecur nëpër këto vite
Si më paskan tretë shumë ngjarje,unë n’pritje
Shoh se pranverat e vonuara ftoht kanë ikur
Unë gjithmonë me shpresë diellin kam pritur.

Por,sonte në këtë natë ylberin disi e kujtova
Me ca fletë të lulëkuqes natyrën e pikturova
Mora dhe manushaqēn dhomës t’i jap qetësi
Se ç’mu kujtua ajo kohë e zjarrtë,e ëmbla rini.

Po këtë natë ç’kërkojnë këto mendimet e mia
Kur është jasht terr s’dëgjohet…asnjë zhurmë
Pa e kuptuar edhe kjo natë po ikë si vetëtima
Çudi nëpër labirinthet e kësaj jete jam humbë.

Po kërkoj fillin e shumë ngjarjeve nëpër mote
Po s’gjej përgjigje nga askush që më ndihmon
Vetëm mu kujtuan pritjet dikur nëpër koridore
Dalëngadal ajo kohë e ëmbël sikur më qetëson

Zymer H.Haliti

The post Në këtë natë…! – Zymer H. Haliti appeared first on Sofra e Poezise Shqiptare.

Zymtësia mbuloi qiellin
S’shihen rrezet e diellit
E hëna u fsheh diku mbi re
Pasi kapi një rrufe….!

Dhe ditët po ikin në mjegull
Pa e kthyer kokën të shikojnë
Foletë e dallëndysheve nën tjegull.

Heshtja është fshehur
Në molekulat e ajrit
Dhe bashkë me frymarrjen tonë
Me gulçime valore
Dëshmojnë se ende ka jetë.

Dhe shiu që s’pushon
Dallëndyshet janë trembur
Kjo stinë e luleve po shkon
Vërshimet brigje kanë shembur.

Zymer H.Haliti

The post Shiu që s’pushon – Zymer H. Haliti appeared first on Sofra e Poezise Shqiptare.