Eca jetës
Ndala kohën
Vonë kuptova
Se si jeta
Qenqe qenka!

Ec e ndal
Ndal e ec,
Kjo jetë qenka
Mirë e keq,
Mozomakeq!

Nuk u ndala
Eca prore
Nëpër jetë
Në vendin tim
Pambarim

Eca, eca
Pa u ndalur
Në fortunë,
Nëpër terr
E nëpër dritë.

Në vendin tim
Shkela kohën
Eca ditën,
Jetën preka
Bashkë me diellin!

Berat Luzha

The post Eca jetës – Berat Luzha appeared first on Sofra e Poezise Shqiptare.

Kosova e plagosur
Shtatë varrë në trup i ka
Në këtë natë të zezë
Ngrihet për t’i la
Drejt lumit po ecën
Lumë ajo u bë
Në gurgullimë valësh
Flet me gjysëm zë
Kosova me varrë
Trupin me gjerdanë
Plagët lëshojnë kushtrimin
Lumit i shkojnë pranë
Kosova me plagë
Nënëlokja me varrë
Kurrë nuk do të vdes
Ka për t’u ringjallë
Tok me nënë Kosovën
Në male e fusha
Jemi lumë i madh
Jemi log për lufta
(1993)
Berat Luzha

The post Kosova – Berat Luzha appeared first on Sofra e Poezise Shqiptare.

Përse meditohesh kaq shumë
e heziton ta mbysësh gjarprin?
Lepenci gjarpëron me ujin e skuqur,
gjerdan i gjakosur!
Lotët të zbresin rrëke
faqeve të Përronit të Cucës.
E ti prapë heshtë!
Nuk mundesh
apo s’di ç’të bësh!?
Ahhh…
gjarpri më zuri përsëri,
gjarprin duhej goditur
në kokë.
gjarprin duhej mbytur
me kohë.
(Drenicë, shtator 1998)

Berat Luzha

The post Kaçanik – Berat Luzha appeared first on Sofra e Poezise Shqiptare.

E strukur
pret fortunën
e ujqit të kanë rënë në vathë
të ta ruajnë kopenë.

Ti ende shpreson
në marrëveshjen mes ujkut e deles!

Kur ujqit e ruajnë kopenë
dihet se çka i gjen kecërit!

E di përrallën e kecërve mitarë
dhe të ujkut këmbëbardhë?!

Prishtinë,
Pse ia hape derën mashtrimit
e ujqit i le të hyjnë në vathë?

Paqe me ujkun nuk ka.
Ujkun duhet vrarë,
në daç ta kesh kopenë,
në daç paqe në vathë!

E ujqit ulërijnë anembanë
e ujqit bëjnë kërdinë në vathë
e ti Prishtinë
ende shpreson në paqe!

E strukur matanë
numëron kecërit e përlarë!

Kur do të ardhësh në log
që kopesë t’i dalësh zot?
Apo do të shkosh në mal
Apo mali te ti do të dal!?

(Drenicë, shtator 1998)
Berat Luzha

The post Prishtina – Berat Luzha appeared first on Sofra e Poezise Shqiptare.

Ky ministri fjalë m’ka çue
Mue burg me më caktue,
Burg në sh’pi, thotë, rri në sh’pi
Nuk guxon me dalë n’kojshi!

Burg në sh’pi, he haj medet
Pse i mbusha 65 vjet,
Rri në sh’pi, o rri në sh’pi
Po urdhëron kjo ministri!

Kemi hyrë në pandemi
N’politikë dhe shëndetësi,
Se kështu ne bëhemi shtet
Kur s’do t’kemi as shëndet.

Rri në sh’pi, s’guxon me dalë
Dhe askush mos t’vjen me t’parë,
Burg në sh’pi, me fat na qoftë
Ministria ne na rrnoftë!

The post Burgu dhe pandemia – Berat Luzha appeared first on Sofra e Poezise Shqiptare.

Ky ministri fjalë m’ka çue
Mue burg me më caktue,
Burg në sh’pi, thotë, rri në sh’pi
Nuk guxon me dalë n’kojshi!

Burg në sh’pi, he haj medet
Pse i mbusha 65 vjet,
Rri në sh’pi, o rri në sh’pi
Po urdhëron kjo ministri!

Kemi hyrë në pandemi
N’politikë dhe shëndetësi,
Se kështu ne bëhemi shtet
Kur s’do t’kemi as shëndet.

Rri në sh’pi, s’guxon me dalë
Dhe askush mos t’vjen me t’parë,
Burg në sh’pi, me fat na qoftë
Ministria ne na rrnoftë!

Berat Luzha

The post Burgu dhe Pandemia – Berat Luzha appeared first on Sofra e Poezise Shqiptare.