Dikur braktisa ashtin tim,
sa gjatë mora frymë
si bishë e braktisur
e shkreta qënia ime ,
ulëret , bërtet,
e prapë nuk ndihet…
Di…

The post Dikur braktisa ashtin tim – Diturie Hasanaj appeared first on Sofra e Poezise Shqiptare.

Atëherë kur ti ishe Krisht,
mbi supe të binte erë shpirt,
I bukur sa një dimër,
I heshtur si pa puthur një emër…
Di…

The post Atëherë kur ti ishe Krisht – Diturie Hasanaj appeared first on Sofra e Poezise Shqiptare.

Kur tingujt e zërit tim të thyejnë çdo fragmë,
të pushtojë shekujt..,
ti do jesh akoma duke rritur,
e parritura ime,
mbase je duke shuar etjen ,
në burimin e së vërtetës,
asaj të vërtete që u bë ieroglif I eshtrës së dashurisë sime,
sa fjalë të thëna me shpirt ,
që I merr furtuna e mendimeve,
ku I çon përtej skajeve
atje ku shoh gjysëm hënën zhytur në mjegull,
e vetmja dritë “të bukurat ndjenjat e mia”,
dritë e vjedhur shekujve,
dhe ja tek bie shi ..,
besomë askush s’gëzon më shumë se toka, bimët,
heiii.., vdekur në mua kam babain qëkur sytë e shpirtit hasën ty,
por gjallë kam gjithë sa kam prej nënës,
po plaket në mua,
mundem ti dalloj edhe rrudhat,
pastaj shoh shpirtin si rrjedh rrëke,
e sytë I kthe nga qielli dhe një përse?
Veç më të mëdha janë retë
e shpirtit,
u ngopa nga përrallat,
nga heronjtë e trishtimit,
s’dua të kthehem në fandazmë e vetes
kjo botë hotel I dhimbjes,
ndërsa ti gur I heshtjes,
që le gjurmë në gërmadhat e statujave të shpirtit të harruar.
Dit’..Ag’..

The post Kur tingujt e zërit tim të thyejnë çdo fragmë – Diturie Hasanaj appeared first on Sofra e Poezise Shqiptare.

Hej a të kam thënë,
të të vijë keq kur
kur I bie me shkelm.ëndrrës për bashkim,
e më pas bëhesh skllav I saj në te përkohshmen,
sa je e rri zgjuar,
hejj a të kam thënë ,
t ë të vije keq për veten vetem kur
Kur e ngre zërin tënd në kujë e në varreza. ,
të urresh veten kur mendon se je askushi,
e fatin e këtij vendi e lozin në zare e barbuti,
hejj e më makabre e di kush është ,
çdo copëz ndihet e gëzuar kur rënkon trungu I saj,
gëzohen e krenohen hiqen si shtete më vete ,
ehhh paradoks shqiptar,
eh mor faqezi ,
a nuk shkon të lash sytë më mirë me hi
më lër sot të rënkoj shqipshëm,,,,,,
Dit’…Ag…

The post Hej a të kam thënë – Diturie Hasanaj appeared first on Sofra e Poezise Shqiptare.

Djersinë gjethet ,
ranë nga pemët e dhimbjes,
më ngjajnë sot pemët
me skelete të harruara të kohës,
ngritëm sot purgatorë në Saharatë e shpirtit,
mëkatet e prindërve mundojnë sot fëmijët,
natës I çjerrin heshtjen,
po ky dreq shpirti ka lindur me huqe,
e si mjafton kjo ngjyre e kuqe,
dehen fjalët si këmbanat në mort,
po kjo ke parë ti
të lodhesh së maturi qiellin
me dashurinë e të vdekurve,
e pare borxh në kandarin e ndryshkur të shpirtit,
më kot lodhem së trazuari thëngjijt,
thëngjijt po shuhen si shpresat në këtë vend,
më kot e shqetësoj hirin,
frika pushton njeriun,
egërsirë e arratisur e ngjizjes,
dëgjoj kollitjen e saj të ethshme,
jepi një panafor dhe të ikë,
se dhe dimrit I rrudhet qielli,
qyteti u vithis në heshtje
e humbi gjallërinë e vet,.
I ftohti qetësi e rreme,
Nëntori ëndrrat kositi,
I dërguari I reve…
Dit’…Ag’
.

The post Djersinë gjethet – Diturie Hasanaj appeared first on Sofra e Poezise Shqiptare.

Mos i harxho shigjetat e tua të arta të fjalës,
shpirti im nuk është më pre gjahu,
unë nuk jam turrma,
megjithëse turrma shpesh të mposht,
vërtet ta zbeh shkëlqimin
me gjithë baltën që I hedh,
unë si ndoqa kurrë turrmat,
tani ndiej kamzhikët e përçmimit,
mbase tani ky qiell u mbulua nga re të çuditshme,
ky diellqë teshtin konvidshëm shpērndan pendë shqiponjash mbi tokën që emoragji,
vërtiten trajektores të universit,
do ulëras kur dora e shekujve të shtrëngojë grykën time,
unë s’di të kēndoj do ulëras ,do oshëtij nga flakët e fjalëve të mia ,
pastaj do sjell erën me zërin tim ,
deri tani s’ka mundur kurrë askush të burgosë shpirtin tim….
Di…Diturie Hasanaj

The post Mos i harxho shigjetat e tua të arta të fjalës – Diturie Hasanaj appeared first on Sofra e Poezise Shqiptare.

Duar të verbra,
buzë pa bereqet,
mes meje dhe jush
humnera të tëra heshtjesh,
sa keq pa një urë mes nesh,
ehhh…,
u bënë fjalët
fëmijë të shumë njerëzve,
foshnja të ushqyera me gjak,
si pishat u rritën,
që plakje nuk ndien kurrë,
e megjithatë fjalët mbetën të gjitha këtu,
ikona njerëzish që s’jetojnë më,
(si puna e H-së),
dhe ja tani humbas në mjegull,
bëhem një me të,
udhëtimi vazhdon,
muret u shembën,
hallkat e hekurta u thyen,
ngjitem si ngjitet mjegulla në mal,
përhapem si përhapet mbi det,
deri sa të vij sërish,
deri sa agimi I ditës së re të më mbjelli ,
në mitrën e një gruaje,
duar të verbëra,
buzë pa bereqet,
mes meje dhe jush,
humnera të tëra heshtjesh,
sa keq pa një urë mes nesh…
28-10-2020 Dit’…Ag’…

The post Duar të verbra – Diturie Hasanaj appeared first on Sofra e Poezise Shqiptare.

S’është më gjë e çuditshme ti ngresh sytë drejt qiellit,
ndryshimi është çfarë sheh çdo kush në të,
unë kur I ngre të shoh ty,
kërkoj një pikë, një skaj,
atë grimcë të përbërë prej teje,
mbase dot stë harrij
por shpresën kam mbjellë ndēr deje,
dhe si çamarroke e vogël mendoj,
ndoshta duhen shpikur shkallë prej letre,
ta ngjyros ta bëj qiellin për vete….
Pa kohë. Dit’.. Ag’…

The post S’është më gjë e çuditshme ti ngresh sytë drejt qiellit – Diturie Hasanaj appeared first on Sofra e Poezise Shqiptare.

Kam frikë…
Kam frikë nga ngurtësia jote,
me shi I mbusha duart sonte,
por kjo zemër s’pyet budallaqe,
prej askujt s’merr urdhëra ështe bërë hutaqe..
*
E kam frikë egoizmin tënd,
e për vdekje nuk të tremb,
çuditem si të merr ky gjumë I thellë,
kur unë shpirtin tim nëpër ëndrra me ty ndjellë…
*
Kam frikë ta ndiej veten pjesë të kësaj bote,
veç ta dija historinë tonë si do mbaronte,
s’desha kurrë të bëhemi shkronja e fjalë,
as hap I dehur as këngë…
*
Më s’kam frikë të të shoh në sy,
se unë e di është hera e fundit që u deshën dy,
u bënë shkronjat mal mundimi,
u bënë thinjat grusht fillimi..
*
Më s’kam frikë nga shpirti jot,
as pse zhurita timin kot,
unë qeshë aq femër,
sa trishtimin grisa për një emër.
*
Kam frikë nga mosburrëria,
kur rreh gjoksin përpara syve të mia,
hej unë edhe gurit I dhashë jetë,
se aq shumë shpirti im të deshtë…
17-10-2020 Di..Diturie Hasanaj

The post Kam frikë… – Diturie Hasanaj appeared first on Sofra e Poezise Shqiptare.

Hejj..,
të kam mëkuar me thërrimet e lotit,
atje ku lind ashti I dhimbjes ,
të kam dasht
si do foshnja gjirin,
si do robi dritën,
të kam dasht
si eliksir I jetës,
të lutem mos ma bēj dhimbjen brinjë,
të kam dasht sa s’thuhet,
aq shekuj sa mungesa,
malli gurin të thërrmojë,
e në gjumë përralla ti tregojë…
Pa kohë Di.. Diturie Hasanaj

The post Hej… – Diturie Hasanaj appeared first on Sofra e Poezise Shqiptare.