Të mata
me peshën e shpirtit tim

Të vlerësova
mbi dijen e mendjes time

Të çmova
gjer në piedestal

Të ruaja
fshehurazi në sirtar

Të lartësoja
si shqipe mali në kaltri
princeshë e ëndrrave të mia
që në ekstazë
prore më mban ti

f.f

The post Të çmoj – Fazli Ferati appeared first on Sofra e Poezise Shqiptare.

Pas krismave
Kënga jehonte
Rapsodi me qifteli
E lahutë
Këtyre shkrepave të ashpra
Përherë i këndonte

Kënga thuhej
Ishte vaji i burrit
Zëri shpërthente ndër prita
E malli qante gurin

E zogjve
Të panverës
Këngën ua mori era
Ikën fluturim
Me mallëngjim
Ndër vise të tjera

The post Pas krismave – Fazli Ferati appeared first on Sofra e Poezise Shqiptare.

Ndale kohën
E shprehe gëzimin gëzimin pafund
Se koha nuk pret
Asnjë çast mos e humb
f.f

The post Ndale kohën – Fazli Ferati appeared first on Sofra e Poezise Shqiptare.

Kurrë
s’e kisha menduar
një gjë të tillë
që pranverën e sivjetme
pa dashje
mbyllur të rrimë

Në gjithë botën
ja se ç’na ndodhi
me mija jetëra
pandemia na i vodhi

Të prehen në paqe
e në qetësi
gjithë ata,ato
që ndërruan jetë
e shkuan në përjetësi

Një gjë e tillë
kurrë mos ndodhtë
e lirë
e në paqe
gjithmonë bota qoftë

Pas çdo errësire
vjen një dritë
pas çdo shiu
dielli shëndrit

T’i kthehemi
normalitetit
që mezi
e kem pritë
f.f

The post Kurrë mos ndodhtë – Fazli Ferati appeared first on Sofra e Poezise Shqiptare.