Shtamba e syrit tim
Sonte derdhi pikën e fundit të ëndrrës
Si lot

U shembën shpresat
Dëshirat u përmbysën
Nga napa e harresës sate

Ike
Në ikje je akoma
Mos u kthe më
M’u ça shtamba e syrit

The post Shtamba e syrit tim – Flora Idriz Peci appeared first on Sofra e Poezise Shqiptare.

Mos thuaj se rrënjët e dashurisë i ke në lule
Ajo u vyshk bashkë me gënjeshtrat tua
Mbase mendove në gjemba trëndafili
Aty qëndron ti, aty është foleja jote
Xixë stralli i ditënetëve të errëta
Humnerë është kalaja e shpresëdhënies sate
Ik mos lë gjurmë, larg kutërbojnë
Ëndërrshuar në horizontin e pafajësisë
Dashuritë nuk jetojnë në qiell
Hapërojnë nëpër margjina tokësore
Universi qëndron me to
Ti lidh pakt me djallin
Qëndro në gjemba trëndafilash
Aty e meriton folenë.

The post Gjemb trëndafilash – Flora Idriz Peci appeared first on Sofra e Poezise Shqiptare.