Florë Halimi Archives - Sofra e Poezise Shqiptare

Natë – Florë Halimi

Abi Avduli — Wed, 05 Aug 2020 11:34:56 +0000

Natë

Natën, errësir kudo
Ditën, driten nuk arrijë ta shoh
Këtu ku pas agimit zbardhë perendimi,
Pas tij nuk lindë më dielli
Ëndrrat rrinë pezull,
Mbi valët e detit të vdekur
Një shpresë e përflakur
në pritje, mbanë ndezur një qiri
Të pashuar në hi
Po t’a kisha një grusht forcë,
Me i lëkund e çrrënjos malet e pamundësis,
Me ia rikthy edhe një herë buzëqeshjen qiellit,
Me e zhveshë nga mërrolat që kanë zaptuar hanën, yjet e diellin.

The post Natë – Florë Halimi appeared first on Sofra e Poezise Shqiptare.

Endërrimtarë të pafajshëm – Florë Halimi

Abi Avduli — Thu, 16 Jul 2020 21:26:58 +0000

Ëndërrimtarë të pafajshëm

Atë vit, sikur qielli mbi tokë ra,
e u banën nja,
Dhe sikur, dielli u tha,
e hëna bashkë me yjet u vra,
Atë natë u shua jeta, lindi vdekja
Përbindësha, me ndjenja njerëzish
Të fshehur në ajër, zbuluar në zjarr
Helmojnë lumturinë utopike të njerëzimit,
të blerë me lutje e durim,
Lumturinë e pafajshme të fashitur në dromcat e dashurisë,
që mbajnë gjallë aromën e njerëzisë,
E, edhe sikur prapë këtë vit, e vitin tjetër
Mbrapshtë të kthehet ky rreth rrotullim,
Prapë nga pala e shtatë e qiellit,
Nuk zgjohen mrekullitë të copëtohen
në ato fytyrat e ngrysura që kërkojnë veç pakëz dritë në bebëzën e syrit,
me të cilën e shohin botën e bota në atë i sheh,
Të hutuar pyesin këta ëndërrmitarë, dënimin e kujt vallë po e vuajmë,
që jeta sillet me ne si e huaj!?

Florë Halimi

The post Endërrimtarë të pafajshëm – Florë Halimi appeared first on Sofra e Poezise Shqiptare.

Nëna, promotor i dashurisë – Florë Halimi

Admin — Wed, 01 Jul 2020 14:11:52 +0000

Nëna, promotor i dashurisë

Hej ti hyjni e shpirtit tim
Përqafimi yt ma ndriçon çdo rrugëtim
Urimet e tua më mbrojnë nga çdo fatkeqësi
Në sytë e tu të pafajshëm shoh vetëm mirësi

Një natë pa ty më duket sa një vit
Sa mall përvëlues thith embrioni im
Kur nuk strukem nën ledhatimin tënd
Ti lule që më freskon, edhe kur
të kam pranë më mungon

Si hënë më ndjek pas
Lutja jote më mbron prej larg
Urrej veten pse s’di të të dua
aq sa më do ti mua

Hej ti promotori i dashurisë
Krahët e tu janë streha më e sigurt
Në prehërin tënd ndjehem përherë fëmijë
Vetëm ti dinë të më lumturosh si asnjeri

Hej ti hyjni, a ma falë veç edhe sot
që s’po di dy fjalë t’i lidh për tënden madhështi!

Florë Halimi

The post Nëna, promotor i dashurisë – Florë Halimi appeared first on Sofra e Poezise Shqiptare.

Vargu im – Florë Halimi

Abi Avduli — Sun, 31 May 2020 19:04:08 +0000

Vargu im

Vargu im fortifikatë
Godasin e godasin
Nuk mund ta rrënojnë
Mbi secilën shkronjë
Një shpirt luftarak jeton.

Vargu im oazë
Nuk shteron edhe kur loti
Në penë nuk noton
Vargu im që lëngon e lëngon
Më shëron çdo plasaritje
Nga e cila gjaku kullon.

Vargu im zjarr flladitës
Ledhaton mbi supet e mia
stuhitë e pafajësisë
Vargu im, foleja e ëndrrave
Të parealizuara
Strehëza e lumturisë së nëpërkëmbur.

Vargu im dallgë e dashurisë
Porta e sinqeritetit të njerëzisë
Vargu im holokaust brenda
Ujëvarë jashtë…!

Florë Halimi

The post Vargu im – Florë Halimi appeared first on Sofra e Poezise Shqiptare.