Gjashtêdhjet herë lulet kanë qelur,
E aq herë petalet ranë,
Të numroj hapat që kam hedhur,
Botës rreth do i kisha ardhë…..

Të numroj shtigjet ku jam qasur,
Ndër dy shekujt ku jam endur,
Shtat prej guri të kem patur,
Unë besoj, do isha gdhëndur…..

Me sa dallgë do jem përballur,
Gaz e brengë mbajta në gji,
Veq ai zot që më ka falur,
E vetë shpirti im e di……

S’pata shpresën për të humbur,
S’pata ndjenjën për të tretur,
Ndaj dhe ëndrrës më të bukur,
Nuk i shfaqem hatërmbetur…….

The post S’pata shpresën për të humbur… – Lek Gjonaj appeared first on Sofra e Poezise Shqiptare.

Doni t’shihni “rrfe shgjetare”,
Që kumbon e sertë mbi male,
Zogjtë e Shqipes tu flatrue,
Në log zanat tu lodrue,
Që me zjarr, herë ëmbël e butë,
I derdh Fishta në lahutë,
Ejani në majë të Gjeraqinës,
Të ju ngrohë erë e trëndelinës,
Në ato bjeshkë e në ato curla,
Në Domgjon ku derdhet gurra,
Të shletoni historinë,
Ku ka rrënjët “Homeri”ynë……

The post Ne varten e ‘Homerit’… – Lek Gjonaj appeared first on Sofra e Poezise Shqiptare.

Dhëmbët do i s’kërmisë dimri,
Druhemi se sjell tufani,
“Balalajkat”nga Kremlini,
“Tallava” Arabistani…..

“Kovidragën” prej Pekini,
“Shpataraket” prej Ballkani,
“Kalë troje” prej Elini,
“Xhaz” n’brekushe prej Sulltani….

Vetëm mendje edhe sy.
Falemi zot, s’duam tjetër,
Valle Shqipesh alegri,
Këtu në çerdhen tonë të vjetër……

The post Dimri… – Lek Gjonaj appeared first on Sofra e Poezise Shqiptare.