Tringëllimë,
Më e bukura e stinës,
Tringëllove muzën e puhisë,
Melodinë e shushurimës,
Gjethe zverdhur nën çati,
Për bukuri,
Rri stoli e vargut tim,
Tringëllimë!
Rrëke ujëvare,
Kafshatë e brishtë ngelur në gushë,
Zjarr i prushtë,
Shkëlqim loti llavë vullkani,
Shëtit heshtjen e oqeanit,
Fshehur nën këmishë,
Aty ku gjoksi ledhaton fjalën,
E fjala përqafon heshtjen,
Nga puthja e pamposhtur,
Lind ofshama e fjetur,
Symbyllur qëndis petk nusërie,
Në kornizën e harmonisë,
Çdo cep skalitur me re të bardha,
Lufton hijen e stuhisë,
Hyjni pa fjalë Tringëllima vet,
Buqët vargun,
Dashuri thërret!

Majlinda Shaqiri

The post Tringëllima – Linda Shaqiri appeared first on Sofra e Poezise Shqiptare.

Më beso kur të them,
Syri pikon,
Nga gjaku i njom,
Emrin vulos,
Jam Iliri,
Jam Mollë e Kuqe në kufi,
Feniksi në Mbretëri,
Linda për të rilind,
Të madhen Shqiptari!
Aty im at ngriti fole,
Sofra e nënë lokes akoma pret,
Pluhurosur nga balta e harruar,
E rrënjës në kufi,
Jam gjeneratë,
Epokë e shekullit të ri,
E ti kohë !?
Ujëvarë e turbullt më je!
Si s’të vjen turp,
Ti vardisesh një epoke të re?
O bir!
Më thuaj ti,
Pse yjet lozin zvarrë,
Pse Hëna e rraskapitur,
Qëndis fustan nusërie,
Mos vallë ti përkunde ëndrrën,
E le të fle,
Në Djepin e të madhes
ILIRI!

The post Molla e Kuqe – Linda Shaqiri appeared first on Sofra e Poezise Shqiptare.