• Në “MEKËN ” time…

Gjunjët si me ashensor
Më ngjitën mbi Trebeshinë,
I preka yjet me dorë
Siç prek librat në vitrinë…

Gëzon shpirti shkëlqen nuri ,
Syri nuk ngopet së pari ,
Në Trebeshinë këndon guri …
Këndon dhe një fije bari…

Hingat ishin me dëborë
Faqet plot me trëndelinë ,
Si një vajzë vetull-kurorë
Ndrinte Hëna mbi kodrinë….

Zogjte dy nga dy lodronin
Mbi nje degë trëndelinë ,
Putheshin dhe dashuronin ,
E sfidonin pandeminë….

Zjenin sheshet dhe korija
Simfoni e padëgjuar….
Sikur vetë perëndia
Ziafete kishte shtruar…!

Edhe unë ia mora këngës
Elmazi * ia priste shtruar ,
U ngritën flatrat e zemrës ,
Gati për të fluturuar …

Atje kish vërtet pranverë
S’kishte fije pandemije ,
Un u deha si me verë ,
Arratisur prej ” kulvie “….(Korona)

Nuk e di gjunjët ç’do thon ,
A do binden tjeter herë ,
Por zemra do jetë gjithëmonë
Për tek “MEKA…” ku kam lerë…

• Elmazi * Kushriri im i mrekllullueshëm.
  Bashkë shkuam ne ” Mekën …” tonë…..

Më 2, Qershir .2020

The post Preka yjet me dorë – Myslim Xhaferaj appeared first on Sofra e Poezise Shqiptare.