Sot isha në Labëri, në një të madhe shtëpi
Çeloleskaj, përmbi portë, lulërimin lart e poshtë…
Ja, dy zonjëza tek porta …as e bija , as e motra
Por të lashtëzat kunata, kraharorin bër’ kanata…
Qeshi zemra, qeshi syri, nga gazi sa s’plasi guri
Urdhëroni – urdhëroni, me fllad “ Çike “ plot ballkoni…
Mikpritja e kësaj dere, shëmbëllim si lule vere
Që, sa zuri fill dynjaja, sot tek Lilua dhe Havaja…
Nuk doja të bilbiloja , por më ndezi Labëria
Perl’e bukur , virgjëri, mbytur dhe nga bujaria!…

N . L . ( F ) 18 . 06 . 2021

The post Më ndezi – Natasha Limaj appeared first on Sofra e Poezise Shqiptare.

Do t’këndoj për “ veten time “, aty janë gjithë gratë
Nanurimën shtruar – shtruar, avash – avash zërin lartë…
Do t’këndoj për “ veten time “, me oiii… dhe klarineta
Tekstin ngjizur thellë nga zemra, tek një si unë buis jeta…
Do t’këndoj për “ veten time “ dhe atë që bluan hekur
Thikpelinet jetësore, si kripa në ujë tretur…
Do t’këndoj për “ veten time “ , vaje , ligje më të rëndë
Mbytur buzën me të qeshur, dhimbjen vdekur nëpër dhëmbë…
Do t’këndoj për “ veten time “ edhe syrin e përlotur
Kapërditjen lëmshe – lëmshe, mallpërvëlimin pasosur…
Do t’ia marr për “ veten time” , lodhur – lodhur , pa përtuar
Njësojë si motrat e mia , jep e jep e pa kërkuar…

N . L . ( F )

The post Buis jeta – Natasha Limaj appeared first on Sofra e Poezise Shqiptare.

Dhe, pse zhgënjyer e vrarë
Për ju , ndjej prap, si më parë…
Dhe me gur , të më qëlloni
T’ju duaaa…, dot s’më ndaloni…
Pësh-pësh-pësh…gjym gjethurinat
Shtyllë bërë fjala në gojë…
Jo-joooo… kurrë , s’mu zvetënuat
Përsëri ju dashurojë…
Se, të duash ësht’hyjnore
Qënien plot gëzim e mbush…
Paqedashurin’e shpirtit
S’ta shpërdoron dot askush!..

N . N . ( F )

The post Askush – Natasha Limaj appeared first on Sofra e Poezise Shqiptare.

Ishe “Zan”,a ishe “Orë “
A e” Bukura e Dheut”…
A ”Circe” mitologjie
E , që kënga të shpërtheu ?!…

O ti… moj vajza e Vlorës,
Nëpër dallgë ninulluar …
Ojna – ojna, ledha-ledha,
Lastarja me sy të shkruar…

Ndonjëherë kapriçoze,
Bër- bër -bër… si turtulleshë…
Eh ,po sa të shkon moj lulkë,
Lindur e rritur princeshë!..

N . L . ( F ) . 05 . 11 . 2015 .

The post E Vlorës – Natasha Limaj appeared first on Sofra e Poezise Shqiptare.

Pa lënë mir’ledhat e nënës
“ Dil.., apo të dal un’hënës…
E bukura kaninjote
Ojna – ojna fjala jote…
Fustanin lulet e fushës
Ar e flori rrotull gushes…
Belkëputura sorkadhe
Ecën , apo kërcen valle?!..
Ç’të të them, për flokun tendë
Mbledhur karfic’e argjendë…
Trupselvia e kalasë
Kush të pa e s’kish maraz…
Pa kur ia jep me të qeshur
Gur e drurë sokakut ndezur…
O shenjtëri kaninjoti
Sa më nge , paska qënë Zoti!…
N . L . ( F ) 06/08/2020

The post Sa më nge – Natasha Limaj appeared first on Sofra e Poezise Shqiptare.

S’ka të ndalur aritmia,
Ndahet mami nga e bija…
Pap-pap-pap….zemra sa ,s’plasi,
Mirë u pafshim, në lot’babi…
Udhë e mbarë..e vogla jonë,
Nëpër qiej si shqiponjë…
Çdo frymim sjellim në mendje,
Aromën e puthjen tënde…
Mallin zjarr e syt’nga dera,
Të presim, prapë,si përhera!..

N . L . ( F ) .

The post Mirë u pafshim – Natasha Limaj appeared first on Sofra e Poezise Shqiptare.

Gjaku dhe grimcez te kete
Gjaku gjakun e therret.
Gjakun koha ta mbuloj,
Gjaku gjakun do t’kerkoj.
Gjakun distanca ta mundi,
Gjaku gjakun do ta tundi…
gjakun ta harrojne vitet,
Gjaku gjakut i vervitet…
” Sherret ” ta bejne akullnaje,
Gjaku gjakun vale do mbaje..
Kur me takove , moj ” Pike “,
Plasi zemra , dhe nje çike…
Ligjerimin nis me buje,
Gjaku , s’u bekerka ” uje “!….

N . L . ( F )

The post Gjaku gjakun – Natasha Limaj appeared first on Sofra e Poezise Shqiptare.

Digju gjellë shkrumb e hi, dhe ti qumësht merr dynjanë,
” Plaç o varg ” me këto, të prera, se më hodhe havadanë….
” Plaç “, sos e thua me zemër, Ti, për mua shkërrmoq botën,
Lakun të të vën te gryka, më qëndis e formon strofën !…

N . L . ( F )

The post Plaç o varg – Natasha Limaj appeared first on Sofra e Poezise Shqiptare.

Presore….më shkruaj mua….
Edhe mua, edhe mua, dhe mua tani më shkruaj…
Po, moj Sara, po, moj Tola…, me shpirt e kam kënaqsi…..
Se kush jeni e çfar’më dhat’do t’ua shtrydh në një fjali!…

N . L . ( F ) 25 / 06 / 2020

Maturantëve 2020 Shkolla jopublike ” Djetari ” Vlorë

The post Edhe mua…edhe mua… – Natasha Limaj appeared first on Sofra e Poezise Shqiptare.

Sot ka datelindjen* Naimi *, muza ime flakadan,
Kërkon fjalën më të ëmbël, të ngjiz varg për k’të Vigan….
Sot ka ditëlindjen *Naimi *,Ai që e tundi dhenë,
Me frazën e shenjtëruar, “ Qysh e le qengji kopenë…
Si sot, ka lindur * Naimi *, gurthemel’ i Shqipërisë,
Ai që i përjetësoi, dhe gërxhet Arbërisë….
Si, sot ka lindur * Naimi * tjetër, si ai nuk leu…
Që e ngopi atë shpirt me trimëri * Skënderbeu*….
Sot ka ditëlindjen * Naimi *,Ai që edhe mërguar,
Vargun thur për mëmëdhenë, gjak e lot, e drithëruar….
Sot ka datëlindjen * Naimi *që e ndezi kohën zjarr,
Amanet, gjuhë dhe troje, o i bukuri Shqiptar….
Si sot ka lindur * Naimi *,të gëzojm’ e të lodrojmë,
* Muhametin * shqiptar, përjetësisht ta gdhendkujtojmë!..

N. L. ( F ) 25 / 05 / 2019
N. L. ( F ) 25 / 05 / 2019

The post Sot ka datelindjen Naimi – Natasha Limaj appeared first on Sofra e Poezise Shqiptare.