Çdo qytet
Ka kodin e vet të hyrjes

Portën e mallit
Ku puthën pëllumbat e qiellit

Librat e palexuara
Ëndrrat e poetëve boemë

Syrin e vashës flokëderdhur
Ishullin e ëndrrave flokëgjatë

Çdo qytet mban mbi qafë
Gurin e rëndë të Sizifit

Oslo, më 8.5.2020

The post Pa fjalë – Ramiz Kuqi appeared first on Sofra e Poezise Shqiptare.

Ende portet në vargun poetik
Frymëzim për poezi

Të ruaj si kujtim kohësh
Mbështjell me xhelozi

Ora orës s’i flet
Gjuha është lodhur

Nëpër pentagram dhimbjesh
Sy i përlotur

Koha
Ka mbetur në vend

Si një zile e shtangur
Pa thumb këmbane

0slo, më 8 5.2020

The post Je – Ramiz Kuqi appeared first on Sofra e Poezise Shqiptare.

Nuk u takuan ëndrrat
Në asnjë varg

Unë bëj pikturën në atelie
Me stilolsps ngjyrë kafe

Portreti i saj është i paqartë
Me vija lakore labile nëpër sy

Në asnjë fjalë s’i lidh shkronjat
Se nuk e zotëron dhimbjen buzëqeshjen

Ka njëqind vjet kur është futur
Në karantinën e shpirtit heshtur flet

Shpesh e harron vetveten
Mbi lumin e trazuar të stinëve

Asnjë ditë s’u takuan ëndrrat…

Oslo, më 8.5.2020

The post Asnjë ditë – Ramiz Kuqi appeared first on Sofra e Poezise Shqiptare.

Rrugët e botës
Evropës larg deri në Azi
Po s’mund të ikim dot
Nga ëndrrat që na vijnë
Çdo natë në gjumë
Te na kthejnë tek ti
E bukur e trishtë pa fjalë
Me pantollona të grisura në gjunj
Këmishë të leckosur pa pulla
Me opinga të lehta lëkure
Ku ferrat na përgjaknin deri në lëkurë
Në mund të shkelim rrugët e shpërnguljeve
Po çdo natë rikthehemi në fëmijëri
Atje ku gjumi na bart sërish në gjiun tënd
Të mos mbetemi nëpër biografi shkrimesh anas
Kudo që frymon nëpër cep toke
Ti përherë do të mbetesh ai çuni I vogël
Që Nëna në djep të përgëzoj me emrin
Që të rri bukur me buzëqeshje Sharri
Ti je KOTLINAS

Oslo, më 6.5.2020

The post Mund të shkelim – Ramiz Kuqi appeared first on Sofra e Poezise Shqiptare.

Veç karantina na ka mbetur
Si produkt laboratorësh

Në ankand publik
Toka ime

Zvarranikët sillen mbështillen
E shajnë Evropën

Mbi vetullat tona
Janë zbrazur retë

Në këtë hapërim maji
Është çarë zemra në dysh

O Gjergj që rri mbi kalë
S’më thua veç një çast

Veç një Fjalë?

Oslo, më 6.5.2020

The post Në këtë hapërim Maji – Ramiz Kuqi appeared first on Sofra e Poezise Shqiptare.

Gjunjëzohet si Naimi
Për hyjnoren flokëderdhur
Që tund flokët nëpër rrugë
E fjalën që nuk e dëgjon
E bëhet rebele
Në vargun e lirë
Poeti ka udhë të gjata
Që kapërcejnë edhe ëndrrat
Kur e prek malli lirik
Gjunjëzohet para dhimbjes
Që e shtrëngon si me darë!

Oslo, më 4.5.2020

The post Poeti – Ramiz Kuqi appeared first on Sofra e Poezise Shqiptare.

Ta përshëndes sot shiun
Që binte në rrugë
Plepat shtatgjatë selvi
Që kanë ngritur kokën
Drejt majeve përpjetë
Ëndërrojnë
Ta prekin qiellin me yje
Mbi lartësi retë
Harrova
Ta përshendës buzëqeshjen
Që rrinte strukur si portret
Në stacionin e pritjes
Harrova
Ta shkruaj vargun
Që thura një stinë
Muzë për Ty

0slo, më 3.5.2020

The post Harrova – Ramiz Kuqi appeared first on Sofra e Poezise Shqiptare.

Që të shtrëngova nganjëherë padashur
Edhe kur muza ime vinte buzëvar
Mejtova se do prekja qiellin me yje
E të vesha me aludim si nëpër zjarr

Do hesht kur nata të vijë me ëndërrime
Të dy bashkë do ulemi galuc mbi vargje
Do të mbyllet kënga e zogut mbi pemë vjeshte
Në pyllin e zogjve harruar dhe loti nëpër parqe

Më fal fjalë lule që të mbështolla me metaforë
Sikur ushtari kur lë dashurën nëpër lot
Kur e grishte Atdheu të rrinte zgjuar në kufi
Në ëndrra vinte si pēllumb i shkruar të deti të përshëndeste me dorë

Oslo, më 2.5.2020

The post Më fal fjalë – Ramiz Kuqi appeared first on Sofra e Poezise Shqiptare.

Aromën tënde trëndafil
U bë peng i ngjyrës tënde
U bë diell e u bë fyell
U bë fjalë

Preku një qiell me shi
Dhe natën përplot me yje
U lidh si kulpra për shtat shelgu
Edhe kur tretej si hije

Kush e ndjeu u bë muzë
Dhe fluturoi varg më varg
U bë ëndërr u bë metaforë
U bë engjëllor

Kush e ndjeu …

Oslo, më 28.4.2020

The post Kush e ndjeu – Ramiz Kuqi appeared first on Sofra e Poezise Shqiptare.

U ula mbrëmë
Një fllad i lehtë rrëshqiti
Mbi buzët e vargut
Qielli u tremb
Veç princesha e fjalës
Ishte veshur me kuq e zi
Hirëplote
Tek bregu I kaltër
Iu gjunjëzuan hënë e yje
Para teje princeshë
U ula mbrëmë…
Koha u bë memece
Qyteti ra në heshtje
Veç dielli udhëtonte
Nëpër glob
Ta vriste virusin e zi

Oslo, me 26.4.2020

The post Tek bregu i kaltër – Ramiz Kuqi appeared first on Sofra e Poezise Shqiptare.