Nuk kam as s’di c’t’i them
dhimbjes per ty places ku fle
shpirti yt krater kurre i heshtur
as ta perze nuk mundem
e besa as nuk dua
dimrat e acarte me akullnaja
vezulluese trishti nuk shqiten
nga mendja as shkrihen nga
oqean lotesh vershyer
kujtimesh peng ne krah dallendyshesh
dyzuar ardhjeve te bleruara e ikjeve
vjeshtash me gjethe zvetnuar e stuhi
rebeluese
Nuk kam as nuk mund ta thyej guacen
e dhimbjes qe nuk flet
memece jane hijet anipse zemra pelcet
e pikellimit nuk i mbyllen kurre
dritaret as dyeret ecjeve pa shije
neper kohe
Dimer me shume se acari kristal
murtaja vrau mijera dashni vitin
qe iku dje me zezonen pas
rri aty ku je strehuar n’ placen
dashni as nje kohe t’ vodhi
as nje cast as ne grimca atomi
t’ harrova hija ime besnike
jam veshur c’ moti me Ty
di c’ t’ them dhimbje e bukur
dashnia ime pa kushte Kosove…

The post Dashni pa kushte – Shukrije Gashi appeared first on Sofra e Poezise Shqiptare.

(26 dhjetor, 2020)

Gjyshi i gjatë e i drejt si lisi
sykaltër e gjelbër me mafesin e kuq
burrë i pashëm i thonin t’ gjithë
që e njohën nga paria e qjytetit
vishej me elgancë me trendin e kohës
e donte jetën dhe t’bukurën kërkonte
kudo
as gratë ishin inferiore teksa kalonte
rrugës me kalldërmë gadi çdo ditë
prapa perdeve pikaseshin silueta
zonjash kurreshtare plot hire
nga dyqanet vështrime admirimi
burrash për namin e Tij liberal e dijen
politike
dhe pak gjelozi tekajnoze e
inferioriteti thyente panoramën
arkaike t’ lagjes zanatçinjësh me namë
idilën e rrugës me kalldërmë
fëmijërinë time më t’ dashtun
çupën me kaçurrela t’ verdha
ulur shkujdesur para
dugajes drugdhendjeje t’familjes
Gjyshi ndjesë pastë kurrë nuk fali
urrejtje i donte buzëqeshjet e dlira
dhe u gëzohej dëshirave t’ fëmijëve
satirën e lehtë n’ humor me shije
e kishte n’ maje të gjuhës
përdorte fjalë që rrallkush ua dinte
kuptimin “osht filimon ai bir thiu”
“e hjeshëme osht ajo dosë…!
Ishte mik me t’madhin dijetar
At Shtjefen Gjeçovin
abetaren e parë e mori prej Tij
“kombi n’ vend t’ parë…”thoshte
me pak buzëqeshje elegante
e shumë urti krenie për dukjen
e dijen librale
e donte t’ bukurën dhe jetën
plot gaz e hire trendi allafranga
n’ Evropën gjysëm mondane
nuk i pëlqeninin thashë e thënat
dhe as burrat e zhurmshëm e grindavec
gruan e donte më shumë se Perendinë
“osht Zoja e shpisë e kryet e familjes…”
n’ meshlize i bënte vend n’krye
t’ oxhakut asaj
Eh gjyshi sa shumë dashni m’fali
e kurrë foli me urrejtje për as ke
një breme mall me lotë për te
ma nxorri andrra e mëngjesit sot
ç’ogur i mirë kujtimi për gjyshin…

The post Idilë fëmijërie – Shukrije Gashi appeared first on Sofra e Poezise Shqiptare.

Miq kur t’mos jem më n’ mesin tuaj
m’ kërkoni n’ vargje poezishë
në sytë e çdo gruaje që
heshtjes gjinore ia preu
frikën n’ kërthizë
gjahun e sedrës së ligë burrnore
tek varri im mos vajtoni
shpirti im nuk banon në vdekje
që vodhi andrrën e Lirisë
shaluar me mamuza t’ huaj
hingëllimash kali t’ hazdisur
trokut bixhoz e pushtet
Thembrave t’ përgjakura
gjithë jetën ecur kam gjurmëve
t’ mia autentike një vurratë
djalli nuskë
Kurrë nuk do t’i mbyllë
sytë për t’i harruar klithmat
as dhimbjet e të vegjëlve
që dhunshëm pushojnë
n’ harrimin dje
Jo as pas murit që ndanë
mishin nga shpirti tej pragut tjetër
do t’ju braktisë
n’ zërinë tuaj jam ëndrra që rri zgjuar
vargut që merr zjarr eshkë
ta djegim bashkë heshtjen mënxyrë
M’ falni nëse njëherë ju harrova…

The post Miq kur t’mos jem më n’ mesin tuaj – Shukrije Gashi appeared first on Sofra e Poezise Shqiptare.

The post Pak mirësi njerëzore e shume dashni – Shukrije Gashi appeared first on Sofra e Poezise Shqiptare.

8 shtator, 2018 ⚘

Nën mrizin e hijes tënde
shplodhem e shkujdesur
nga ënderra me llahtari
natën e kaluar
Shiut vjeshtor nuk i mbajë
mëni për lotët rrëke
përplasur me fërfllazë
në dritaren time
veç mallit për kohën
e ikur fantazmës tonë dje
kurrë të grisur ecjeve
shekullit jetë në botën njeri
Në qiellin e shtatë
të gjeta dymijë vjet
më parë dhe nuk thash
Jehovai
Syrit të tretë të shohë
çdo perendim dielli
tek braktisë yllesinë
e kotësisë në tokë
Këmishën e shpirtit tim
shkopsitur nga malli
do ta gjesh te varur peng
ne qepalla vargu
po deshe merre dhe vishu
me pikëllim kohe
as nesër as kurrë
pajtohem me harrimin
per ty…

The post Vishu me pikëllim – Shukrije Gashi appeared first on Sofra e Poezise Shqiptare.

The post Zbulesa e Ungjillit Eureka – Shukrije Gashi appeared first on Sofra e Poezise Shqiptare.

(22.11.2012)
Mbi qepallat tua Mike vullkane të heshtura
gjurmojnë atdheun e ëndërrave tona dje
Strukur n’ bebeza malli
për më shumë dashuri për njeriun
dhimbja përplaset me harrimin
Ç’u bë kështu me ne
ANEMONË e peshonim jetën
prapa grilave Atdheu dremitej n’ përqafim
sot i janë thinjur flokët nga pritja
urave të qelqta tkurrur i janë kufijt
2000 vjet ecje askund t’i mbledhë
eshtrat shkaperderdhur trojeve coptuar
dje a nesër sërish me pahir
Bënë të ftohët atdheu më nuk fle n’ ëndërrat
e të gjithëve njësoj mbase kurrë…

Shukrije Gashi

The post Mikes time (Dije Lohaj) – Shukrije Gashi appeared first on Sofra e Poezise Shqiptare.

Ah, kur të ikim një ditë nga kjo botë
Lamtumirën t’ua lëm miqëve pa pendesë
Sa e bukur do të jetë përshëndetja
Të qoftë i lehtë dheu
dhe kalimi tej pragut tjetër
qetë, qetë…

(23.07.2011

The post Nokturno për dje – Shukrije Gashi appeared first on Sofra e Poezise Shqiptare.