Nëse mund të jetoja edhe njëherë tjetër,
nuk do të jem më perfekte,
për sy të botës…
(Sa gjëra që kam dëshëruar s’kam bërë….)
Nuk do të më gjejnë ata që rrokullisin fjalë…..
Do të jem,
në majë të malit ku përqafohen retë,
me diellin në perëndim, për të puthur horizontin…
Do të ec zbathur barit me vesë si rruzuj diamantësh,
duke mbledhur lulekujtesat herbariumit…
Ngjyrave stinore nga pranvera në vjeshtë.
në fole dallëndyshesh do më zerë më pas gjumi…
Vetëm, në kafenetë buzë rrugës ulur me të panjohur,
me të qeshurën çlirimtare syve të rastësishëm e të pangopur…
Të dashur, të njëjtin do kisha zgjedhur…
Të kohës së ikur,për kohën e mbetur…
“Nëse”…Askush se ka gjetur …
Jeto tani… i thashë ëndërrvetes……

MERITA ÇYRBJA

The post Jeto tani… – Merita Çyrbja appeared first on Sofra e Poezise Shqiptare.

Ti, mos kalo i heshtur, mos largo sytë,
në mundesh sado pak, zgjati dorën.
Ajo pak e jotja ndoshta i bën dritë,
n’errësirën e kobshme duke numëruar orët…..

Uratën t’jep me sytë lart, nga ftohti lotuar,
përtyp dridhshëm nji çapë bukë të thatë,
shtrëngon n’turp kurmin e tij t’vobektë,
Ç’ka mbetur.. i rreh veç zemra e ngratë…..
MERITA ÇYRBJA 2018

The post Mos kthe sytë – Merita Çyrbja appeared first on Sofra e Poezise Shqiptare.

The post Pusi anës fshatit – Merita Çyrbja appeared first on Sofra e Poezise Shqiptare.

Oh moj vallja shqiptare,
herë je e rëndë,herë je e lehtë,
e nis rrethin ëmbël gjeraqina,
vazhdon vrullshem një skifter.

Duket sikur buçet dhe mali,
dritë e diellit mahnitet,
më vonë sikur thyhet shkëmbi,
borë e shkrirë ku të fshihet.

Oh kjo vallja shqiptare,
shkumbë deti, ngrohtë fushe.
dridhet shamia qafës djalit,
i fshin vajzës aromë gushe.

Kush nga ne nuk të kërceu,
me harenë mbushur dasmorë,
kur me miq rakinë e pimë,
herë me iso, herë shqiponjë MERITA ÇYRBJA

The post Oh moj vallja shqiptare – Merita Çyrbja appeared first on Sofra e Poezise Shqiptare.

Kur flet një nënë,
kurrë nuk i thotë të gjitha.
Fsheh lodhjen e duket si flutur,
fsheh hidhërimin e duket e lumtur.
Fsheh pikën e lotit,
thotë më ra kripa.
Fsheh netët e errta
shikon veç tek drita.
Zëri i nënës,
i ngjan korit të engjëjve
I ëmbël , i lehtë ,i ngrohtë,
me fjalë që rrjedhin nga zemra,
burimi i saj i fshehtë…..
….Kur flet një nënë …..
bijtë nuk kanë moshë…..MERITA ÇYRBJA

The post Kur flet një nënë – Merita Çyrbja appeared first on Sofra e Poezise Shqiptare.

Veç pleqtë kanë mbetur,heshtje nëpër rrugë,
bosh oborri i shkollës, si gumëzhinte dikur.
O mërgim i egër, varfërise ikëm me pahir,
kthehemi sa rrallë, për keq e për mirë.

Kështu qenka kjo jetë e jotja dhe e imja,
malli digjka zemrën shkon veç tek vendlindja.
Rrugës në të dalë më rrënqethi një këngë:
Ikën bijtë ikën,…kurbet qënke i rëndë……MERITA ÇYRBJA

The post Ikën bijtë ikën…!- Merita Çyrbja appeared first on Sofra e Poezise Shqiptare.

E pyeta Token nje here mengjezit,
Kush jane ditët e tua më të ëmbla?
Me ktheu faqen e butësisht më tha:
Kur vajzat lindin e bëhen nëna!

Çapkenet e qeshura marrin tjeter drite,
embelsohen,fryhen ngadale si brumi i mire,
brenda vetes nisin te ndjejne memesine,
gjinjte u forcohen per qumeshtin qe do vije.

Me perkedheli Toka me dashuri prinderore,
kam kaq shume bij,edhe une jam nene,
faqen e bute ktheu tek niste pershendetje,
here tek vellai Diell,here tek motra Hene. MERITA Ç

The post Ndjenje memesie – Merita Çyrbja appeared first on Sofra e Poezise Shqiptare.

Kush shiun e reve ka te vetmin uje,
kush urine pyet, pse vjen tek une,
kush gjirit te nenes i iken pa buje,
nje femije i varfer, globit diku…..

Kush boten sheh me ngjyrat e ylberit,
kush qiellit fluturon me nje tollumbace,
kush mahnitet me udhen e kermillit,
nje femije kudo, qe s’njeh ngjyrat ne faqe….

Nje femije ngado s’kupton luftrat e kota..
si buzeqesh ai sot ,neser do te jete bota… (MERITA ÇYRBJA)

The post Nje femije diku… – Merita Çyrbja appeared first on Sofra e Poezise Shqiptare.

Sa herë hap sirtarin,të shoh e më vijnë lot,
ty shall i leshtë të përkëdhel lehtas me dorë.
Aromën që përhap s’ka dyqan të ma shesë,
profum qe nuk gjendet askerkund ne bote.

Eshtë aty akoma aromë e nënës sime,
kur krahëve e hidhte në ditët me fresk,
sa herë ndihem keq e për ty kam nevojë,
marr shallin e shtrëngoj, mallin dot se heq.

Mbyll sytë e me shfaqet vizioni yt i shtrenjtë,
kur derën e oborrit me hapje me nxitim,
më mbuloje krahët me shallin tënd të ngrohtë,
me dorën rreth belit e sytë plot shkëlqim.

Ohhhh… ky shall i butë me aromën tënde,
do të jetë sekreti i te gjithë ditëve të mia,
do ti susurroj embel kur të jem e lumtur,
do me jete ne krahe në ditë të këqija.(2016, Merita Çyrbja)

The post Shalli i Nënës – Merita Çyrbja appeared first on Sofra e Poezise Shqiptare.