Kur shikoj të bukurën lule
Shpirti i brishtë sa gëzon
Si pikë vesë parfum i tyre
Ëndrat e fjetura nga gjumi zgjon

Kur shikoj të voglin zog
Bashkë me cicërimat zemra zë këndon
Pylli i heshtur fillon gjallëron
Melodi e tyre jetën të shton

Kur shikoj të kaltrin det
Sytë e lodhur relaksoj
Simfoni e ëmbël e dallgës
Bregut më bën të vallzoj

Kur shikoj lindjen e Diellit
Sa shumë atë e dashuroj
Rrezet e tij plot ngjyra jete
Pikturën natyrën e bën të frymojmë

Kur shikoj ndriçimin e hënës
Errësirën e shpirtit më largon
Mirësia e yjeve tokën mbuloftë
Ndjenjat e shpirtit na i lartësoftë

Kur shikoj njerëz të gëzuar
Dyfish zemra lumturon
Se këtë dhuratë të çmuar
Zoti njëherë ta dërgon.

28.01.2021
S.R

The post Kur shikoj…! – Silvana Cekici Rodi appeared first on Sofra e Poezise Shqiptare.

The post Sytë… – Silvana Cekici Rodi appeared first on Sofra e Poezise Shqiptare.

Më mungojnë miqtë e mi
bregu,varka edhe dallga
pulëbardha në agim
peshkatarët në kthim

Më mungon bregu i gjolit
edhe uçkat kur bëja not
fëmijërinë që kam kaluar
sa mall kam ta jetoj sot!!

Më mungon bordura e lagjes
ndanë rrugës kur kalon
turizmi i vjetër aty pranë
që gërmadhë është sot

Më mungon era e junapit
fjongon lashë për kujtim
rruga e bukur e 1 Majit
mbushur lule gjelbërim

Më mungon xhiroja e mbrëmjes
kur qyteti jetë merr
disa bregut përqafuar
të tjerë pinë një gotë verë

Buzë rrugës jam harruar
s’di ku shkoj…nuk gjej drejtim
ky qytet i fëmijërisë
burim jetë…frymëzim

Së jam vajzë pogradeci
kam pirë ujë nga topleci
ngjyrë liqeni sytë kam
në shpirt lasgushjane jam
S.R

The post Më mungon qyteti im! – Silvana Cekici Rodi appeared first on Sofra e Poezise Shqiptare.

Ëndrat ikën…si balonat lart në hapesirë
rrugët bosh..shkretëtirë pa fund
e bukura jetë që ishim mësuar
e largët na duket…..si një vegim

Ngjyrat e fluturës do shpalosi pranvera
dielli…hëna po të njëjtat janë
mungojnë zhurmat, lëvizja ,gjallëria
frymojmë….jeta shurdhmemece ngjan

Kurajo të gjithë…edhe pak durim
rezistencë mbarë globi…. të gjejmë shërim
dhe do vijnë ëndrat si një rrezatim
Të përqafojmë jetën…dashurinë….

S.R

The post Përqafim jete – Silvana Cekici Rodi appeared first on Sofra e Poezise Shqiptare.

Mall për plitharët e shtëpisë së vjetër
dhe për gurët e sokakut
mall për dashurinë e shpirtit
për të vdekurit dhe për të gjallët

Mall që kurrë nuk troket
as në derë as në dritare
por në zemër futesh shpejt
djeg si Diell …djeg si zjarr

Mall më trete si qiriri
edhe zemrën e zhurite
mall …jam akoma gjallë
më rrjedh gjak nëpër damar

Mall që djeg e përvëlon
sytë … lotojnë e gëzojnë
je pishtar që flakeron
shpirtn gjallë mban gjithmonë …

S.R.

The post Oh sa mall… – Silvana Cekici Rodi appeared first on Sofra e Poezise Shqiptare.

Shkëlqimi jot…vezullon si floriri napolonë
Ninullat e tua dëgjohen dhe sot
Luaj me ëndrrat balonë ,si dikur fëmijë
Vazhdoj të të dua po njësoj

Në prehërin tënd të ngrohtë , kokën mbështes
Udhëtoj vazhdimisht,në të bukurat kohë
Në buzët e mallit ,etjen s’shuaj dot
Më bën të frymoj, më fort jetën dashuroj

Në të paqtën zemër , i njëjti gjak na pulson
Në arteriet e tokës, uji kristal buron
Mrekullia natyrë të surprizon ,të tjetërson
Shpirtin ta mbush me përjetësi!

1. 01.2021
   S.R.

The post Të dua po njësoj! – Silvana Cekici Rodi appeared first on Sofra e Poezise Shqiptare.

U tund toka , u drodh mali
Në Krujë erdhi Gjergji djali
Mbarë shqiptarët i mblodhi në kuvend
Me urtësi e mençuri
ngriti në këmbë një popull të tërë
Fjalë e tij jehoj në male
Borën shkriu,krrojet mbushi me gurgullima
Jepni besën bre burra…!!
Arbërisë ti dalim zot!
Në beteja historike
Fitimtar kudo që shkonte
Shpatë e tij kur vrringëllinte
Tmerrohej gjithë perandoria
Nëpër fusha dhe lëndina
Ku shkeli këmb e tija
Mbiu bari dhe tërfili
Gëzoj plaku dhe fëmija
Përkrenarja me
kokë dhie shpata jote simbol lirie
Frikësoj sulltan e pashallarë
Trimërinë tënde njohu bota mbarë
Skëndërbe strateg i rrallë diplomat i paparë
Kryetrim i Arbërisë shpëtove një Evropë të tërë
Dekada ,shekuj kanë kaluar
Je i gjallë ndër të gjallë
Me majën e shpatës gdhende historinë
Më ty krenohemi Hero Legjendar.

10.01.2021
Silvana Çekiçi Rodi.

The post Hero Legjendar – Silvana Cekici Rodi appeared first on Sofra e Poezise Shqiptare.

Agimi i qytetit është një mrekulli
pulëbardha, zgalemë , zogj krahëhapur fluturojnë papushim
Maja e malit me borë akoma mbuluar
Vallzimi i valëve mbi liqen s’ka mbarim

Prej fushës fryn një fllad erëmirë,
zëri i luleve shpirtin ma deh
Rrezet e ngrohta të diellit ledhatojnë ëmbelsisht petalet,
nga përkëdheljet e dashurisë gonxhet shpërthejnë

Valët e liqenit jetës i këndojnë
më tinguj shumëngjyrshëm çdo zemër gëzojnë
Bregut e lumtur me valët vallzoj
ky liqen më ëndra të mbush dhe zë ëndëron

Koha vrapon, çdo ditë jeta zhurmshëm rrjedh
mallin nuk çmall dot në këtë qytet
parfum trëndafilash përhapet kudo
dashurinë brënda shpirtit ky qytet të zgjon

S.R

The post Dashurinë zgjon – Silvana Cekici Rodi appeared first on Sofra e Poezise Shqiptare.

Ngrinë lotët
Në sy ngrinë

Ngriu buzëqeshja
Në buzë ngriu

Ngrinë ndjenjat
Në zemër ngrinë

Ngrinë shkronjat
Në vargje ngrinë

Po dashuria….!?
Vallë çu bë më të…??

The post Ngrinë – Silvana Cekici Rodi appeared first on Sofra e Poezise Shqiptare.

Dikur më pëlqente të qëndisja
rrija deri natën vonë
me gjergjef, gjilpërë dhe fije
ëndrra rrinie thurja plot

Qëndisja çarçafin më lule shumëngjyrëshe zemra sa shumë më gëzonte
binte në sy një lulekuqe
shtratit një ditë do mbretëronte

S.R

The post Ëndrra qëndisja… – Silvana Cekici Rodi appeared first on Sofra e Poezise Shqiptare.