Ndonjëherë heshtja nuk rri dot pa folur.
Ajo flet për ne.

Flet për krijesat-fantazmë
që shtiren se jetojnë.

Flet për ata pak të gjallë
që gjallojnë në mesin e ditës.

Flet për të dashurit
që nuk dinë të dashurojnë.

Flet për ëndërrimtarët
që ëndërrojnë natën vonë.

Flet për fitimtarët
që nuk njohin trishtim.

Flet për të dështuarit
që nuk njohin gëzim.

Flet për ty e mua
që nuk dimë të heshtim.

Se shkruajmë në heshtje,
por heshtja flet për të gjithë.
Marjeta Shatro Rrapaj

The post Heshtja flet – Marjeta Shatro – Rrapaj appeared first on Sofra e Poezise Shqiptare.

Kalimtarë të trishtuar luginës së lotëve,
të globit rrotulluar gjer në dhimbje,
ku qielli varet mbi ne
e dita venitet,
ku njerëzit psherëtijnë e largohen.
Helmuar ditët e kufizuara
e sotmja diçka ndryshe nga dje
të gjithë do të shkojnë te të parët,
në shtratin ku vdekja fle.
Kur muzgu të zgjatë lamtumirën
e nata të ngushëllohet në ecje,
skajeve të errëta të qiejve!

The post Kalimtarë – Marjeta Shatro – Rrapaj appeared first on Sofra e Poezise Shqiptare.