(Rrugës për Gjermani…)

Që kur fillova këtë rrugë të gjatë
Kaluan orë e orë,unë në udhëtim
E di se dikush më pret qê me natë
Dhe pres t’u hudhem në përqafim

Kaluan muaj të tërë pa u takuar
Malli për ju më djeg,më pervlon
Familja ime tashmë e gjysmuar
Jam prindi juaj që nuk ju harron

Kjo rrugë e gjatë më bën kurreshtar
Sa shumë kemi pritur ju në mërgim
E di…shumë malli,si mua ju ka marrëĺ
Po ja po vijë drejt jush me mallëngjim

Sonte gëzimi,lumturia s’do pushojnë
Do çmallemi me llafe e me dashuri…
Akrepat e orës fare s’do i shikojmë
Natën do e kthejmë krejt në bardhësi.

Kjo rrugë e gjatë që çon për Gjermani
Kalon nëpër fusha,male,qytete e shtete
Sado që i lodhur jam,po ndiej pak freski
Një copë dhe vendlindje e kam me vete.

Zymer H.Haliti,

The post Kjo rrugë e gjatë – Zymer H. Haliti appeared first on Sofra e Poezise Shqiptare.

Për ty këndojnë zogjtë e malit
Sa ëmbël ia thonë çdo mëngjes
Për ty çdo ditë lotët prej mallit
Vërshojnë si vrushkuj me vesë

Për ty poetët kanë shkruar poezi
Rapsodët kënduan nëpër oda tona
Sa e madhe je më e shtrenjta Liri
Eh sa shumë vite të kërkoi Kosova

Për ty u bënë luftëra,gjaku rrodhi rrëke
Nëpër shekuj kalëruan trimat shqiptarë
Që nga kryetrimi ynë,i madhi Skenderbe
Me shqiponjën tonë ne ishim krenarë…

Për ty Liri kemi vuajtur brez pas brezi
Dhe kurrë nuk u mposhtëm nga dredhitë
Kjo Europë e poshtër tinëzisht na shkeli
Duke na ndarë pafaj,duke prekur kufinjtë

Ne ishim një vend i lashtë ndër mote
Me kulturë dhe gjuhën tonë ilirishte
Por dikush na coptoi trojet shekullore
Edhe pse kombi ynë më i vjetër ishte.

Zymer H.Haliti,e shkruar më 15 korrik 2020

The post Për ty – Zymer H. Haliti appeared first on Sofra e Poezise Shqiptare.

Je erë bregdetare që të mbështjellë me freski
por,je edhe dallgë deti që të merr me stuhi…

Ti je dielli i mëngjesit kurr rrezet tretin freskinë
Je lule e çelur që aromën e lanson
por,je edhe stuhi që nganjëherë të shkatrron.

Je pranverë e blertë që çdo kush të ka lakmi
por,je edhe dimër i ftohtë që disa nga ti janë ngri.

Je fjalë e ëmbël kur shfaqesh në fillim
por,je edhe e idhtë kur s’gjenë mirëkuptim.

Për ty kanë kënduar e shkruar këngë e poezi
je nje mollë e ndaluar,por përsëri…!
Ti je e shtrenjta,e madhja dashuri.

The post Ti dashuri… – Zymer H. Haliti appeared first on Sofra e Poezise Shqiptare.

Në qiell fluturojnë dallëndyshet
E dielli përcëllon me rrezet e tij
Në kokën time vijnë frymëzimet
Dhe vendosa t’shkruaj një poezi.

TI,je frymëzimi im,që më relakson
Ti,je ajo sybukura që më mahnitë
Dashuria për ty po më barrikadon
Bukuria jote po ngjanë me qershitë.

Sa poezi shkrova i frymëzua nga ti
Ua dhash aromën e luleve trëndafile
e vazhdon të më sfidon kjo dashuri
Për ty që të dua,beso : pa asnjë hile.

Dhe kur në zemër lindë frymëzim i ri
E n’gjoks bredhë fuqishëm dashuria
Ti bëhesh fole e ëmbël e zogjve të mi
Kopsht i praruar i dëshirave të dëlirta.

Zymer H. Haliti

The post Ti, je frymëzimi im – Zymer H. Haliti appeared first on Sofra e Poezise Shqiptare.

Zymtësia mbuloi qiellin
S’shihen rrezet e diellit
E hëna u fsheh diku mbi re
Pasi kapi një rrufe….!

Dhe ditët po ikin në mjegull
Pa e kthyer kokën të shikojnë
Foletë e dallëndysheve nën tjegull.

Heshtja është fshehur
Në molekulat e ajrit
Dhe bashkë me frymarrjen tonë
Me gulçime valore
Dëshmojnë se ende ka jetë.

Dhe shiu që s’pushon
Dallëndyshet janë trembur
Kjo stinë e luleve po shkon
Vërshimet brigje kanë shembur.

Zymer H.Haliti

The post Shiu që s’pushon – Zymer H. Haliti appeared first on Sofra e Poezise Shqiptare.

Nëpër rrugën e përbaltur kam ecur
Që të mësoja diçka për jetën e mirë
Kam dëshiruar majet për t’i prekur
Dhe jetën time një ditë ta kem të lirë.

Asaj rruge të përbaltur kur udhëtoja
Shpesh herë dhe jam rrëzua e ngritur
Por, kurrë s’jam lodhur,..sepse doja
Një ditë të bukur si kjo për të arritur.

Sado që në këtë jetë ka rrugë të ndryshme
E ne si udhëtarë shtegtojme fusha e male
Të duash të bukurën jetë,është e natyrshme
Edhe pse cdo njeri në brendinë e tij ka halle.

Por ,une si shumë njerëz nuk u dorëzova
Ngase ajo rrugë e përbaltur ishte dheu im
Nga ku linda,jetoj shqiptarqe dhe qëndrova
Gjithmonë krenar e i lumtur në atdheun tim.

Zymer H.Haliti

The post Rrugës së përbaltur – Zymer H. Haliti appeared first on Sofra e Poezise Shqiptare.

Aty afër lumit qëndroja i vetmuar
Duke sodit fluturat si endeshin…
Të prisja ty,atë ditë,për të takuar
Minutat nê ikje më çmendëshin.

Dhe më në fund Ti kur erdhe
Rrezet e diellit filluan ndriçimin
Sa ëmbël m’joshe,më shpërbleve
Ato çaste më kënaqe shpirtin…

Aty afër lumit filloi një jetë e re
U betuam se do të kemi besim
Dëshmitarë kishim zogj e gurë ne
Që jeta të vazhdonte me shkëlqim.

Ai lumi ende gjarpëron me gurgullimë
Dhe jeta e jonë filloi të lulëzojë bukur
Edhe sot kujtoj ata zogj me cicërimë
Tek ne qëndronim aty diku të strukur.

Zymer H. Haliti

The post Afër lumit i etur – Zymer H. Haliti appeared first on Sofra e Poezise Shqiptare.

Mes piklave shiu
Dhe freskisë pranverë
Qielli sodit i vërenjtur
Nën dritën e hënës zbeht.

Retë enden qiellit
Nën barrën e dhembjes
Mbulojnë drithërimin e diellit
Bardhësinë e ditës sime.

Erë e lehtë puhi
Më kujton netët pa hënë
Dhe fjalët memece…
Që kurrë s’janë thënë.

Zymer H.Haliti

The post Natë pranvere – Zymer H. Haliti appeared first on Sofra e Poezise Shqiptare.

Lulja e bukur
Që çelë në saksi
Hap petalet e kuqe
Nëpër sytë e mi.

Lule e stinës…
Që gjethon në mua
Ndjell fluturat e kohës
Tek loti në një krua.

Pjalmi i shkëlqen
Në buzëqeshje përherë
Në ditët e mia t’blerta
Tek i shkrija në verë.
Zymer H.Haliti

The post Ajo lulja – Zymer H. Haliti appeared first on Sofra e Poezise Shqiptare.

Vjeshtë e ftohtë 1998

Kur ajo ditë u shfaq
Ishte kohë me shi
Qiellin tek shikonim
Lotët fshinim nga sytë
Duke pyetur vetën
Kur do të kthehemi n’atdhe…!?

Dhe ditët vinin e iknin
Edhe netët e ftohta
Mbushur me ankth e pritje
Sado që larg shihej një rreze drite!

Pranverë e ngrohtë 1999

Dhe ajo ditë erdhi
Më 12 qershor 1999
Duke ia kthyer jetën
Sërish Kosovës nënë.

Sot 21 vite jetojmë në liri
Lot nga gëzimi qetë pikojnë
Por fatkeqsisht nga kjo pandemi
S’po mund të lirë sot të festojmë…!?

Zymer H.Haliti

The post Ecje nëpër vite – Zymer H. Haliti appeared first on Sofra e Poezise Shqiptare.