Mes trupash
fryn ëndërra e nxehtë
Në shtratin e amullt
Bien copëza ankthesh

Të shprushta
Të mallta

N’akrepa të orës
Këputen kohët
Sytë pëflaken në jugën
E ngrohtë

Konstruktet e brinjëve kërkojnë
Horizontalet e trupit tim

Valë shpirti

Në drithërima afshi shtrëngon
çarçafinë e përjetësisë

Valë puthja
Marrëzisht dehen kafshimet
Relikt dhome

Mirazhi i hënës së copëtuar
Në xhamin e avulltë.

Vlora Rexhaj Morina

The post Valë – Vlora Rexhaj appeared first on Sofra e Poezise Shqiptare.

Nis ëndërrat në lundrim
Kapiten bëhen shpresat e mia
Qajnë brigje e thejnë stuhi
Mbi detra
derdhin dhembjet e mia

Dalldisun qielli vjell rrufe
Kleopartë loti bëhet qenia ime
Treten ylberet
bota merrë ngjyrë gri

Mbi tempujt e Olimpit
Thehet marrëzia

Në mesnatën e qetë
Ku në qetinë t’shpirtit
ëndërrat bëhen erë

Vallëzojnë valësinë
e akulltë
Të qiejve të harbuarë

Si feniks tretet trupi im
Mbetet në mes të gjallëve
Relikt i harruar.
Vlora Rexhaj Morina

The post Nis lundrimin – Vlora Rexhaj appeared first on Sofra e Poezise Shqiptare.

Ulur në tehun e vetmisë
Duartë shtrirë
Stinëve të ngrira t’diellit

Nën krrokamën e korbit
Mbush plasaritjen e shpirtit
Me vrerin e dehur t’mëngjesit

Asgjë si dje

Vetëm hëna kre flokët
në pasqyren e thyer

Në mullirin e dhimbjes
Bluhen ëndërrat njomëcake

Në natën pa sy

Vlora Rexhaj Morina

The post Në tehun e vetmisë – Vlora Rexhaj appeared first on Sofra e Poezise Shqiptare.

Në rrahje zemre
më fle veç ti
Të ruj si perlë
në shpirtin tim

Si fllad mëngjesesh
kur shfaqesh ti
Fikemi dhe ndritëmi
të dy në përjetësi

Kur vjen dhe strukesh
në gjokësin tim
Si struket hëna
me drojë mes resh

Dhe bëhesh det
plotë melodi
Më djeg e ndez
si një rrufe

Ti oazë mbushur
plotë dlirësi
Pelikan ngjyrash
ndër ëndërrash lulëzuar

Ngarent mes qiejsh
si vetëtimë
Veç shpirtin tënd
për ta takuar.

26 shtator 2020 Vlora Rexhaj Morina

The post Veç ty t’ruaj si perlë – Vlora Rexhaj appeared first on Sofra e Poezise Shqiptare.

Shpirti s’gjen qetësinë
Nën petkun gri

Vjeshta memece struki
Damarët e gjakut
T’kulluar nëpër shekuj t’djallit

Brigjeve t`diellit
vetëm zogjtë e ëndrrës
Puthin mallin e simfonisë

Të pakëndume stinëve të harrume

Në fushëbetejat e shpresës
Vetëm shiu lanë
Njollat e vegimeve t’dritës

Agimeve mashtruese.
Vlora Rexhaj Morina

The post Brenda meje – Vlora Rexhaj appeared first on Sofra e Poezise Shqiptare.

Marrë globin rrokullisë
Busulla më tradhëton

The post Tik-taku nuk ndalon – Vlora Rexhaj appeared first on Sofra e Poezise Shqiptare.

Asht pre muzgu n’çërpikun e tand
Sonte flokët tu nata qëndisë yjet
Si vesë mëngjesi m’freskon trupi saj
Lulborat mi kokë t”bajnë kunorë nusërie

A hyjneshë andrrash vesh n’fustan t’bardhë
Ku sillesh si flutur lëshon aromë bukurie
Si Zana e malit me flokët e bardhë
Nuri ytë n’drit dhe natën pa yje

The post N’drit – Vlora Rexhaj appeared first on Sofra e Poezise Shqiptare.

Kam me t’dashtë Ty
Trëndafili im i bardhë

Çel në stinën ma t’brishtë
T’shpirtit tem

Kam me t’dashtë
se përtej andrre
Kam andërru sytë e tu

E me shikimin tanë
Kam shndërrit netët e errëta
Të zemrës tem
Në dimrat e acartë t’vetmisë

Ngjyra ylberesh
Kam vu nurin tand
ndriçum prej afshit tonë

Kam me t’dashtë Ty
Arshi i shpirtit tem
N’erna t’moteve

Kam vu përmallimin tonë t’dashnisë
E tamblinë za n’hoje të shpirtit
t’kam lanë

Kam me t’dashtë ,çmendurisht
kam me t’dashtë

Se ti je dielli jem
e unë rrezja jote e përflakët.

Vlora Rexhaj Morina

The post Kam me t’dashtë – Vlora Rexhaj appeared first on Sofra e Poezise Shqiptare.

Veç malli mba kujtimin
Kur nata prehet në dritare
E ëndërra shton mallëngjimin
Kur si zjarri digjemi fare

Veç hëna sheh flakërimin
Ku çdo gjë i ngjanë drithërimit
Sa shpejt mbulohet nata jonë
Nga afshi i përmallimit

The post Nostalgji ëndërra jonë – Vlora Rexhaj appeared first on Sofra e Poezise Shqiptare.

U shemb qielli në honin e zemrës sime fjalëbukura ime
Puthjet u degëdisën në malin e egërsisë
Atje ku kafshojnë qenshe
U harrua imazhi i lotit të kristaltë
Ah…fjalëbukura ime!
Pse nuk u shndërrove në sy qielli?
Çdo ditë të këpusësh nga një shikim lakmues
Apo të mbylleshe në guackën e epsheve të thella t’i masësh pulset e shfrenueshme
T’netëve të gjata mëkatare
Ah…fjalëbukura ime!
Merri krahët e mi bojëqielli dhe degëdisi ëndërrat tona n’humnerat e vetëmisë
Mes dashurisë e mëkatit
Fjalëbukura ime !
Ti limani i përhershëm ku pushojnë dhimbjet e mija!

The post Asaj (fjalëbukurës) – Vlora Rexhaj appeared first on Sofra e Poezise Shqiptare.