Re të dendura – Nexhat Rexha

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Re të dendura

Horizonti me retë sjellin shiun
Kur zjarrmia mundi vdekjen
Si pikturë e vendosur në mur
Me pamjen e krisur tmerrsisht

Në galeri metalet shkëlqejnë
Bashkë përkëdhelin kuvendimin
Për stolitë e marra peng
Në pakthim të çmendurisë

Mallkimi nuk nxiton arenën
Pa gropusur në thesaret e ruajtura
Në memorien e kafkave të balsamosura

Retë rëndojnë me shiun në shenjëtrim
Si këmbim të simfonisë trazuese
Kur rrufe flakron zemrën e ngujuar