Puthja e lotit! – Avdyl Zeneli

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

PUTHJA E LOTIT !

Për shkak teje , s’u besoj më fjalëve
Për dashurinë , si ato që më thoshe mua
As të zjarrtave , ndjenjave me ledhatime
E qeshur edhe e lotuar , betoheshe , të dua
–
Për shkak teje , në heshtje i kaloj ditët
Nuk dua që shpirtin , edhemë ta lëndoj
Shkëlqimet fshehin të gënjeshtërta
Kujtimet po i braktis , harrimit i besoj
–
Mbas këtyre , mbrin me errësirë nata
Më vjen në ëndërra si një ndëshkim
Nga sytë rrëshket , një lot i ngrohtë
Më puth në buzë , e fle në gjoksin tim !