Pushim i merituar – Isuf S Hoxha

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Pushim i merituar

S’i të shtyj gurin në maje
Mos t’i ngjaj Sizifit
Kur ju para derës
Me latë Bërllokun…
Grumbulluar epokave.

Të sotmes gjinjtë
I mbushet silikon
Ku të marr një gotë qumësht
Ujkonja s’ma ofron sisën
Ta rrit shtatin të hedh vrapin.

Të hy në garë me kohën
Ti le pas shpinës
Të lehurat e qenve .

Hadi le të ngarend pas dritës
Unë pres i qetë në kodër
Të mbush shportën me fruta…