Psherëtima dallgësh – Robert Shkurti

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Poezi Haiku, shkëputur nga vëllimi poetik
“Psherëtima dallgësh”
Zgalem mbi kreshtë
pulëbardha në valë
not dashurie

Dallga hap krahët
në flatra fluturash
I ftohtë bregu

Stinët s’kuptohen
ndërrojnë lëkurë
Planet i sëmurë.

Dallgë e vuajtur
përplasur nëpër shkëmbinj
mesazh dashurie

U vyshkën lulet
kur i vadita unë
me kripë lotët e tu

Puthjet t’i dërgoj
me një ballon zemre
Ç’furtunë në qiell!

Nuk kish celularë
As kompjuter atëherë
Dashuri me letra

Rrezet e arta
zemrës ja dërgova
gishtit një rreth.

Në dorë një hark
shigjetat zënë diellin.
Yll i këputur.
Robert Shkurti