Gjethja e fundit – Abdi Përgjegja

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Gjethja e fundit:

E zverdhur
dhe zbehtë,
si një plakë njëqind vjeçe.
Këtë mbrëmje
në hardhinë e brishtë
pranë dritares sime,
u “fik”e fundit gjethe.

Askush
nuk e vuri re.
Kish kohè hardhija ime
pat nisë me u xhdesh.
Vetëm kur dola e
gjethen nuk e pashë
ndjeva dhembje.

Mendova një cast.
A nuk janë gjethet
origjinal si njerëzit…!
Veçse proçesin funeral
ua kryejnë vërsllimat
e erës.

Njerëzit
ikin e vijnë çdo stinë.
Ndërsa gjethet
si dallendyshet,
ikin në fund të vjeshtës.
e n’fillim të pranverës
vijnë.

Abdi Përgjegja