Çakenjtë duan të hanë – Alma Mehmeti

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Çakenjtë duan të hanë

Ohhh mjer moj tokë çfarë mban mbi,
Dhe ti o Zot im zemërgjerë,
Lë çakenjtë bashkë me njerëzi,
Të kafshuar e kokë prerë,

Në mesnatë nis kasapana,
Kush të hajë të presë më shumë,
Sa lind Dielli nëpër maja,
Mishi dhe rakija lumë,

Mjer moj tokë ti çfarë ushqen,
Veç i ligu i shëndoshë,
Ha e pi edhe gënjen,
Të varfrin e lë me barkë boshë,

Temenara pa mbarim,
Plasin duart për bark madhin,
Mbas buzëqeshjes fsheh lëngim,
Leckamani që s’ja dinë hallin,

Lepe peqe e lusim Zotin,
Për fitore e jeta ti ndrij,
Mbase mishin kur ta hajë,
Ndoshta kockat do t’ja lëpij,

Ikin ditët, muajt, vitet,
Leckaman isha dhe jam,
Duart kallo nga trokitjet,
Ti azgan përmbi azgan.