Sa pak dashuri – Skender Berisha

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

SA PAK DASHURI

Një shi i prajshëm
Trokon mbi ndërgjegjen e fjetur
Sytë e lodhur me pamjen e vjetër
Titërrojnë rrallë
Duke u zhytur në mjegull

Lahen rrugët e mërzitura me pluhur
Fjalët e mira për motin e mirë
Shndërrohen në flutura
Vjen bora dhe i ngrinë

Kohë që dergjet e mpirë
Të mpirë kalorësit që bredhin nëpër të
Mbetet zhurma e trokut të tyre
Përzier nëpër shi…

Edhe një ditë edhe dy…
Retë kërkohen me njëra-tjetrën
O Zot sa pak dashuri

7 janar 2021