Këndon bukur një trumcak – Kujtim Oshafi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Këndon bukur një trumcak
Në një degë të hollë plepi
Pak më tutje jo shumë larg
Ison i mbante gushë verdhi !

Në garë ishi kush e kush
Të këndonte mirë e bukur
Për një flutur sy larush
Që mbi degë rrinte për tu dukur!

Ajo rrinte edhe i dëgjonte
Njëri tjetrit kur ja prisnin
Zor se mundej të vendoste
Zemrën kush do vinte që ti mirrnin!

Që të dy këndonin bukur
Ndaj dhe fluturës keq i erdhi
Kur tek trumcaku ishte ulur
Pa të ikte kokë ulur gushë verdhi !

Kujtim Oshafi-Skoci