Ju t’pagjumët e Karantinës -Agim Doçi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Ju t’pagjumët e Karantinës
Që 7 javë askush nuk fjeti
Ky “virus” që erdh prej Kinës
Desh me i bâ Shqipnis grusht shteti…

Por NE shtetin e kemi top.
Top e kemi dhe Policinë
Kemi Tender nanë n’gop
Top e kemi Ekonominë.

Se ka thanë dhe Ismet Drishti
S’na trem topi, na tremb gishti
Kush na pru kët’ dreq virusi
Që me gratë gjith kombin prishi?