Fjala është luftë dhe paqë! – Albina Ceka

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Tema:Shpatar i fjalës..
Autore Albina Ceka.
Titulli: Fjala është luftë dhe paqë!

Me fjalë stoliset dashuria,
me fjalë kurdiset tradhetia.
Me fjalë shpifet pa fund,
ajo ngatërron një katund.

Me fjalë gatuhet liria,
debatet i ndez zjarr fjala,
me fjalë ndizet flakë lufta,
dhe paqë sillet nga fjala.

Fjala është shërim shpirti,
kur zëri ëmbël tingëllon,
kur t’lira nga zemra dalin
e sinqerieti i dlirë i mbulon.

Fjala peshon randë si guri,
kur hidhet veç me thumbu
e ndez flakë bash si baruti,
kur njeriu çirret, pa mendu.

Fjala therë si shpatë!
E kriposur është helmim,
nuk hahet jo ai ushqim.
Fjala është luftë dhe çlirim!

Albina Ceka autore Albania
13/05/2021
Itali