Dhimbje e moçme – Skender Berisha

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Dhimbje e moçme

E mblodha dhimbjen krejt
e bëra shuk më pas topth
desha t’ia hedh lumit tim
nuk ia hodha m’u dhimbs

e ktheva andej nga doli
ta mbaj thash edhe me zori
është imja kush s’ma ndolli
vet u mblodh vet rodhi

moj krejt lëmsh u bë prap
kaploi anë e mbanë çdo anë
as loti as shiu kurrë s’e lanë
merr krye e s’i ndalet ai vrap

kur dua ta kap dot s’e kap
kur më teket ta flak s’e flak
tash mua sa po më plak
dhimbje e moçme i vjetri lak

25 maj 2013,Prizren