Solidariteti! – Vajda Vila M

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Solidariteti!

Jepma dorën të jap forcën,
të mos ndalemi nëpër udhë….
Kur të prekim mbarë botën,
të mos lodhet hapi kurrë…

Bashkë e mundim terrin,baltën,
edhe dhimjet tutje flakim.
Dorë-përdore të bashkuar,
ngjitim male, thyejmë akuj.

Ne vet e kemi në dorë,
të jemi një, të pa ndarë,
se kështu ne të bashkuar,
e ndryshojmë botën mbarë…

Vullneti dhe mirësia,
të jenë udhërrëfyesit tanë,
çdo të keqeje , ligësie,
së bashku ti bëjmë ballë…

Fjala jonë të jetë mjaltë,
mjaltë e ëmbël, pa sheqer…
kudo të shkel këmba jonë,
të çelin lulet si në pranverë….

06-12-2021