Miu dhe bretkosa – Sevdail Hyseni

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Satirike

Miu dhe bretkosa

U zunë në një kohë
Kur s’kishte internet,
Miu dhe Bretkosa
Shokë me dinjitet!

Kalonin një jetë
Plot me ideal,
Njëri mbi tokë
Tjetri në moçal.

Meqë u mungonte
Fejzbuku dhe viberi,
U lidhën për këmbe
Me një fije peri.

Sa herë që i vinte
Miut ndonjë mik,
E njoftonte shokun
Me telin klasik.

Ky lloj komunikimi
Zgjati disa vjet…
Deri sa një ditë
Ndodhi një tërmet!

Tek rrezitej bretku
Mbi ujë si balenë,
Vjen i shpejtë Lejleku
Me sqep e rrëmben!

Kur sheh nga lart
Miun si rri var’,
-Ty s’të rrëmbeva
I shkreti gjitar!

Flet nëpër buzë
Miu i trishtuar:
-Kështu e ke kur zgjedh
Shokun e gabuar!

Spica Metalike
(Karikatura marrë nga interneti e përpunuar)