Trembet qetësia e globit – Sherife Malo Allko
TREMBET QETËSIA E GLOBIT
Nga ky Covid~19
Globi tërë, shtrirë nën këmbë .
Lëngon e vajton nga një hije peshë rëndë
Shpirti njerzor vajton ,pa shtresë e sërë .
Morti troket derë më derë
Si mik i paftuar këtë herë .
Qaj për botën me ofshamë
Qaj dhe për ty o toka ime .
Qajnë shpirtra me drithëritje
Ziejn përrenjtë e digjet druri i menduar .
Ah !Të isha në prehrin tënd o ZOT
Të tregoja dhimbjen time .
Trembet qetësia e errësirës prej trishtimit .
Mbetem shtangur nga dhimbja e njerzimit .
Kjo botë sot ,mbështjellë me mantelin
e zi ,të virusit famëkeq .
Më djeg e më përvëlon ethja e vetmisë.
Matem e shtangem se nuk dua të qortoj
I mbroj me zjarr e respekt shkencëtarët
dijetarët tanë .
Por,si nuk qenë aq të zotë vallë ?!
Një vaksinë për botën s’kanë .
Apo,nuk ju dhimbset më njerzimi .
Trembem e mundohem mos lëshoj mallkime .
Mendimet më bëhen kallkan se nguroj ,
Jo nga frika ,por dhimbja e zemrës
që nuk duroj …
Dhimbja njerzore më përul më gjunjëzon
Sherife Malo Allko
02.04.2020