Lutje – Avni Skenderaj

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

LUTJE

Lëvduar qofsh o Zot,
Uroj me përulësi,
Na dhe gëzime plot,
Na dhe jetë e lumturi.

Na dhe forcë e mirësi,
Na le bashkë në udhëtim.
Dielli i shpirtit të saj flori,
Ngroh çdo qelizë të trupit tim.

Dielli i shpirtit tim të mirë,
Ngroh çdo qelizë të trupit të saj.
Unë si lis për të kam mbir,
Atë si pjergullë në lis e mbaj.

Zemrat pranë e pranë,
Flakëroft zjarri që ndezëm aty.
Bardhësi në shpirtrat tanë,
Deri sa dritë të kemi në sy.