Apoteozë dheu – Rudina Muharremi Beja

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

APOTEOZË DHEU

Midis qiellit e detit,
ngulitur gji malesh,
një vend i magjishëm
pret pengesat të perëndojnë,
për të zbuluar kurmin
me gjerdanë vezullues,
e lumej të pashterrur,
monopateve të heshtur.

Sfilitur
zhgënjimesh muzgjeve me tym,
Ai, dheu im,
i buzëqeshte sythit të njomë të një luleje,
që skaj çadrës së ftohtë,
me aromë psherëtime rrahur endacakes erë,
stinës së shterruar,
premtonte t’i sillte pranverë…

8/04/2020