Pse m’largohesh dita jeme – Albina J. Gjergji

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Pse m’largohesh dita jeme

Nuk mujta me të kapë sot dita jeme.
As mesazhin tand.

Vrapove,
Ma hodhe,
Kapërceve,
U fike…

E ngrysun ule perden
e shfaqjes
Ende t’papërfundueme
dhe… ike!

Pse kështu m’largohesh
gjithmonë dita jeme?

Pse?

E ftohtë,
e pabesë,
rrenacake…
tue premtue ma kot
suksesin e regjisë tjetër…

Po nesër?
Nesër çka don me ba?

A don me luejt prapë me mue?

Oh, dita jeme?!

Paj… m’ka marrë malli me të duartrokitë!

A po vjen siç t’ka hije?