S’do më duhet – Sliver Sliver

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

S’ D O M Ë D U H E T . . .

E kam thënë e prapë do ta them:
Asnjë doktor s’dua përmbi kokë,
Nën një rrap të lashtë dua të jem,
Që rrënjët thellë ka në tokë.

Në hijen e tij uji i burimit të rrjedhë,
Unë etjen të shuaj, në zheg, i djersirë,
Një dushk të më flasë, një lis a bredh,
“Ilaçin” të më japin mua më të mirë.

Të shihni si do të ngrihem i përtërirë,
Dhe le të më ngasë marazi shekullor,
Unë sakaq ujë burimi kam për të pirë,
S’do më duhet atëherë asnjë doktor.

– Sliver Sliver –
Athinë, 12 prill 2020