Thirrja e një tingulli – Zoica Gjolla Popi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

THIRRJA E NJË TINGULLI

Thirrmë në tingull
aty ku ti dridhesh!
Si mund të ndjehesh aq bosh
kur përtej dhimbjes jam unë?
Kapërceje atë prag
me emblemën e kalorësisë
ku dhimbja godet
trurin, trupin, shpirtin.

Ç’u turbullova në një moment
në shtrëngim vene
ku do të shpërthej gjaku i gjakut
në formën e dy zemrave
në një.

Buzët nuhatën
puthjen më të zgjatur
me qerpikët e kthyer
në vizionin tënd.

Zoica Gjolla Popi!
Angli
11 – 9 – 2018